Mahiloŭski centr kultury i volnaha času abviaściŭ ab praviadzieńni pieršaha ŭ horadzie konkursu «Ty — najlepšy chłopiec u Mahilovie!».
«My vyrašyli krychu chłopcaŭ Mahilova ŭzvysić. Užo zanadta jany nizka ŭpali ŭ vačach žančyn, dziaŭčat. Miescy nie sastupajuć u aŭtobusach, palać, brydkasłoviać. My chacieli b pakazać najlepšuju pałovu mužčynskaha maładoha pakaleńnia», — zajaviła režysior konkursu Dzina Ciecierukova.
Uzrost udzielnikaŭ konkursu — ad 16 hadoŭ da 31 hoda. Akramia taho, jon pavinien mieć pryjemny vyhlad, umieć apranacca, być raźniavolenym ŭ ruchach, mianiacca ŭ prapanavanych abstavinach, a taksama być vysokaintelektualnym.
Maładyja ludzi prademanstrujuć svajo majsterstva ŭ konkursach «Raskažu pra siabie», «Tematyčnaje defile», «Impravizacyjnaj-intelektualnym konkursie», «Ździvi mianie».
Pakolki konkurs źjaŭlajecca kamiercyjnym, achvotnyja ŭziać u im udzieł akramia padačy zajaŭki pavinny zapłacić ustupny ŭznos u pamiery 10 tys. rubloŭ. Pieciarym finalistam, ź jakich budzie abrany najlepšy chłopiec u Mahilovie, treba budzie zapłacić jašče 50 tys. rubloŭ.
Jak adznačyła Ciecierukova, zajaŭki ad maładych ludziej užo pastupajuć.Ich možna budzie padać da 31 kastryčnika. U toj ža dzień projdzie adboračny etap konkursu, a 18 śniežnia — finał.
Pieramožcu konkursu čakajuć pryzy, u tym liku hrašovy, ad sponsaraŭ mierapryjemstva.
