U Maskvie pa fakcie masavaj bojki pamiž hramadzianami Biełarusi i žycharami Mardovii raspačata kryminalnaja sprava. Pra heta paviedamlaje pres‑słužba HUUS rasijskaj stalicy.
Bojka adbyłasia ŭ noč na 16 krasavika ŭ rajonie Soncaŭskaha aŭtamabilnaha rynku. Pavodle infarmacyi pres‑słužby, usie ŭdzielniki bojki znachodzilisia ŭ stanie ałkaholnaha apjanieńnia i ciapier nie mohuć uspomnić, što pasłužyła pryčynaj sutyknieńnia.
Adzin paciarpieły, 22‑hadovy mužčyna, u ciažkim stanie dastaŭleny ŭ reanimacyjnaje adździaleńnie Botkinskaj balnicy. Jaho hramadzianstva nie nazyvajecca. Pres‑słužba paviedamlaje ab zatrymańni dvuch mužčyn, 28 i 30 hadoŭ, jakija žyli ŭ Maskvie na praciahu miesiaca biez rehistracyi. Ich hramadzianstva taksama nie nazyvajecca.
Sprava raspačata na padstavie artykuła 111 Kryminalnaha kodeksa Rasii (naŭmysnaje pryčynieńnie ciažkaha ŭronu zdaroŭju).
