Šviedskaja nacyjanalnaja administracyja pa praduktach vydała papiaredžańnie dla ŭsich krain ES, dzie śćviardžajecca, što na jeŭrapiejski rynak trapiła padfarbavanaja śvinina, jakaja pradavałasia pad vyhladam jałavičyny. Paviedamlajecca, što miasa prybyło ŭ Šviecyju ź Vienhryi.
Psieŭdajałavičynu znajšła adna z kiejterynhavych kampanij paśla taho, jak klijenty pačali viartać pradukt, skardziačysia na jaho zališniuju vilhotnaść.
Pakul niezrazumieła, ci pahražaje afarbavanaje miasa zdaroŭju: čynoŭniki zaniepakojenyja, što hurmany mohuć pryhatavać niedasmažanaj stravu «z kryvioju», što dapuščalna dla jałavičyny, ale nieprymalna dla śvininy.
Taksama nie vyklučana, što pry vyrabie padrobki ŭžyvaŭsia niebiaśpiečny dla čałavieka farbavalnik.
Ułady sprabujuć vyśvietlić, ci paśpieła niajakasnaje miasa trapić u restarany i razdrobny handal.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary