Paśla dopytu ŭ Śledčym kamitecie Siarhiej Udalcoŭ adpuščany pad padpisku ab niavyjeździe.
* * *
Lidar «Levaha frontu», adzin z arhanizataraŭ antypucinskich pratestaŭ, Siarhiej Udalcoŭ zatrymany pa kryminalnaj spravie ab padrychtoŭcy da arhanizacyi masavych biesparadkaŭ, havorycca ŭ mikrabłohu apazicyjaniera ŭ Twitter.
«Siarhiej dasłaŭ SMS: «Trymajciesia, hanicie chvalu maksimalna. Mianie začyniajuć», — paviedamlajecca ŭ mikrabłohu Udalcova.
Ranicaj supracoŭniki Śledčaha kamiteta Rasii vyvieli jaho z domu i pavieźli jaho na dopyt. Paźniej byŭ zatrymany pamočnik Udalcova Kanstancin Lebiedzieŭ.
Padstavaj dla kryminalnaj spravy stała prahrama NTV «Anatomija
paviedamlaje Radyjo Svaboda.Rasijskija «Iźviestija» siońnia napisali sa spasyłkaj na aficyjnaha pradstaŭnika SKR Uładzimira Markina, što kampramat na Udalcova źbiraŭ biełaruski KDB,
Na dumku śledstva, u adnym ź siužetaŭ pakazana, jak Udalcoŭ, jaho pamočnik Kanstancin Lebiedzieŭ i pamočnik deputata Dziarždumy Illi Panamarova Leanid Razvazžajeŭ sustrakalisia ŭ Minsku z hruzinskimi palitykami i abmiarkoŭvali ź imi roznyja akcyi, u tym liku i terakty.
– Ustanoŭlena, što hołas, u tym liku isnujučy ŭ siužetach, źniatych schavanaj kamieraj videanazirańnia ŭ filmie «Anatomija pratestu-2», naležyć Udalcovu, a sustreča, frahmienty jakoj pakazanyja ŭ filmie, adbyvałasia ŭ druhoj pałovie červienia 2012 hoda ŭ žyłym pamiaškańni ŭ Minsku, – zajaviŭ Markin.
Pavodle artykuła 212 KK Udalcovu i inšym fihurantam hetaj spravy pahražaje da 10 hadoŭ pazbaŭleńnia voli.Kali śledstvu ŭdasca dakazać ich dačynieńnie da padrychtoŭki teraktaŭ, heta moža skončycca dla ich navat pažyćciovym terminam.
