U Minsku kiroŭcu-parušalnika i baćku z synam, jakija adłupcavali jaho, pryciahnuć da adkaznaści
Udzielniki darožnaha incydentu, jaki zdaryŭsia 6 kastryčnika na vulicy Niakrasava ŭ Minsku, buduć pryciahnuty da adkaznaści.
Videa, jakoje vyklikała šyroki hramadski rezanans nie tolki ŭ krainie, ale i za jaje miežami, vykłaŭ 7 kastryčnika na aficyjnym sajcie internet-prajekta minskaj milicyi «Pierachop» «pierachvatčyk» Vital. Na videa jasna bačna, jak vadziciel «Aŭdzi-A4» nieadnarazova padrazaje aŭtamabil, jaki ruchaŭsia za im. Skarystaŭšysia spynieńniem na zabaronny sihnał śviatłaforu, kiroŭca i pasažyr aŭtamabila, jaki jechaŭ za «Aŭdzi» (baćka z synam) padbiehli da transpartnaha srodku kryŭdziciela i stali źbivać jaho. Tamu daviałosia ratavacca ŭciokami.
U nastupnym paciarpieły ŭ bojcy parušalnik PDR źviarnuŭsia ŭ milicyju. Prykładna ŭ hety ž čas videazapis kanfliktu byŭ prysłany na aficyjny sajt internet-prajekta «Pierachop» vypadkovym śviedkam.
Zaraz stała viadoma pra vyniki praviedzienaj pravierki. Tak, kiroŭcu «Aŭdzi-A4» za vyjezd na pałasu sustrečnaha ruchu daviadziecca na paŭtara hady pazbavicca pravoŭ. Baćku i synu, jakija ŭčynili napad, — adkazvać za naŭmysnaje naniasieńnie cialesnaha paškodžańnia na padstavie art. 9.1 KoAP, što praduhledžvaje štraf ad 10 da 30 bazavych vieličyniaŭ abo administracyjny aryšt da 15 sutak. Materyjały ŭ dačynieńni da baćki i syna nakiravany ŭ sud Savieckaha rajona Minska dla pryniaćcia rašeńnia.
«Heta pakarańnie jašče raz dakazvaje, što internet-prajekt minskaj milicyi «Pierachop» karysny nie tolki dla zboru infarmacyi, ale i dla naviadzieńnia paradku na vulicach horada», — skazaŭ aŭtar internet-prajektapres-sakratar HUUS Minharvykankama Alaksandr Łastoŭski.
Kamientary