Fota z sajta HUUS Minharvykankama.
Fota z sajta HUUS Minharvykankama.
Supracoŭnikami kryminalnaha vyšuku Frunzienskaha RUUS Minska pa padazreńni ŭ ździajśnieńni hvałtoŭnych dziejańniaŭ seksualnaha charaktaru zatrymany raniej sudzimy
Jak paviedamili ŭ HUUS Minharvykankama, padčas razboru małady čałaviek raspavioŭ pra toje, što z červienia hetaha hoda jon ździejśniŭ bolš za 20 napadaŭ na dziaŭčat.
Pa słovach zatrymanaha, chulihanskija dziejańni jon ździajśniaŭ u mikrarajonach Kuncaŭščyna, Kamiennaja Horka, Zachad, Sucharava.Ubačyŭšy na vulicy samotnuju dziaŭčynu, nakiroŭvaŭsia śledam. Dla napadu padbiraŭ biaźludnaje miesca: padjezd, lift, pustku. Vybraŭšy momant, chapaŭ achviaru i sprabavaŭ kranacca jaje intymnych miescaŭ.
Paśla taho jak dziaŭčyna pačynała kryčać, supraciŭlacca abo klikać na dapamohu, złamyśnik chavaŭsia.Razam z tym chłopiec pryznaŭsia, što adnojčy jon zajšoŭ u svaich dziejańniach i dalej. Šakavanaja dziaŭčyna nie akazvała supracivu, i jon pasprabavaŭ zhvałtavać jaje. Pieraškodziŭ zrabić heta poźni minak.
Zatrymany ŭžo byŭ raniej dvojčy sudzimy, pryčym za złačynstvy seksualnaha charaktaru.Vyzvaliŭsia ź miescaŭ pazbaŭleńnia voli ŭ sakaviku, i, jak sam pryznaŭsia, nieŭzabavie pačaŭ adčuvać seksualnuju ciahu da nieznajomych dziaŭčat na vulicy.
Ab svaich dziejańniach małady čałaviek raspaviadaje dosyć padrabiazna, spyniajučysia na abstavinach i detalach. Pry hetym u milicyju nie pastupała zajaŭ ad paciarpiełych ad jaho dziejańniaŭ, nie było infarmacyi ab padobnych złačynstvach i ź inšych krynic.U suviazi z hetym supracoŭniki milicyi ličać nieabchodnym źviarnucca da mahčymych achviaram zatrymanaha z prośbaj paviedamić pra siabie.
Razumiejučy dalikatnaść temy, u Frunzienskim RUUS harantujuć mahčymym achviaram złamyśnika maksimalnuju karektnaść i pryvatnaść pry praviadzieńni śledčych dziejańniaŭ.
0
0
0
0
0
0
