Źniešni dziaržaŭny doŭh Biełarusi pa stanie na 1 kastryčnika skłaŭ 12,2 młrd. dołaraŭ ZŠA pry ŭstanoŭlenym limicie 14,3 młrd. dołaraŭ, paviedamlaje Ministerstva finansaŭ.Za vierasień jon pavialičyŭsia na 115,7 młn. dołaraŭ, a z pačatku 2012 hoda — na 405,7 młn.
Pavieličeńnie źniešniaha dziarždoŭhu abumoŭlena hałoŭnym čynam pryciahnieńniem mižnarodnych kredytaŭ, adznačajuć u Minfinie.
Rost mienavita źniešniaha doŭhu staŭ asnoŭnaj pryčynaj pavieličeńnia dziaržaŭnaha doŭhu Respubliki Biełaruś, jaki na 1 kastryčnika skłaŭ 121,7 trłn. rubloŭ,pavialičyŭšysia z pačatku 2012 hoda na 5,3 trłn. rubloŭ, ci na 4,6%.
Unutrany dziarždoŭh z pačatku hetaha hoda vyras na 114,6 młrd. rubloŭ i na 1 kastryčnika skłaŭ 18 trłn. rubloŭ pry ŭstanoŭlenym limicie 34 trłn. rubloŭ.
Pavieličeńnie ŭnutranaha dziarždoŭhu abumoŭlena asłableńniem kursu biełaruskaha rubla, rastłumačyli ŭ Minfinie.
Kamientary