Aksakały Manhistaŭskaj vobłaści prapanavali ŭładam pierajmienavać horad Žanaezien ŭ horad Biekiet-ata.
Aksakały sustrelisia z kiraŭnikom Manhistaŭskaj vobłaści Bauržanam Muchamiedžanavym na minułym tydni ŭ miascovaści, dzie znachodzicca miačeć Biekiet-ata. Biekiet-ata — aśvietnik, prapaviednik i sufijski fiłosaf, jaki žyŭ u Kazachstanie ŭ XVIII st.
«Biekiet-ata — heta viadomy navukoviec i duchoŭny nastaŭnik, i ja dumaju, što našu prapanovu dać imia hetaha viadomaha svajoj mudraściu čałavieka horadu Žanaezien usie padtrymajuć», — skazaŭ paśla hetaj sustrečy Asyłbiek Ajdaraŭ, staršynia Žanaezienskaj haradskoj rady aksakałaŭ.
Kančatkovaje rašeńnie ab pierajmienavańni horada Žanaezien maje być pryniataje ŭ Astanie.
U Žanaezienie, horadzie na zachadzie Kazachstana, 16 śniežnia 2011 h. siły pravaparadku adkryli ahoń pa antyŭradavaj demanstracyi naftavikoŭ, zabiŭšy 17 čałaviek i paraniŭšybolš za 100 čałaviek.
Prapanova pierajmienavać Žanaezien na Biekiet-ata sparadziła šmat zdahadak u kazachskich sacyjalnych sietkach, što sapraŭdnym jaje matyvam źjaŭlajecca nie ŭšanavańnie pamiaci kazachskaha aśvietnika, a sproba ŭładaŭ jak najchutčej ścierci pamiać ab kryvavym rasstrele demanstrantaŭ.
Kamientary