Premjer prakamientavaŭ mahčymaść vyzvaleńnia źniavolenych Nadziei Tałakońnikavaj i Maryi Alochinaj, adkazvajučy na pytańnie na sustrečy ź pieramožcami mižnarodnych alimpijadaŭ.
Pry hetym Dźmitryj Miadźviedzieŭ padkreśliŭ, što ŭdzielnicy
«Ale ŭ turmu ja b ich sadžać nie staŭ, budučy sudździoj. Jany i tak užo pasiadzieli, hetyja dziaŭčaty, i dosyć», — skazaŭ prem'jer-ministr Rasii.
Razam z tym Miadźviedzieŭ adznačyŭ, što paŭpłyvać na mieru pakarańnia Alochinaj i Tałakońnikavaj mohuć tolki sudovyja orhany i advakaty.
Pazicyja Miadźviedzieva adroźnivajecca ad mierkavańnia, raniej vykazanaha prezidentam Rasii Uładzimiram Pucinym, jaki ŭchvaliŭ dziejańni suda, pavodle jaho vyrazu, «zalapić dvušačku» Pussy Riot.
Nadzieja Tałakońnikava, Maryja Alochina i Kaciaryna Samucevič byli prysudžanyja ŭ žniŭni da dvuch hadoŭ pazbaŭleńnia voli ŭ kałonii ahulnaha režymu pa artykule «chulihanstva pa matyvach relihijnaj nianaviści» za akcyju ŭ chramie Chrysta Zbaŭcy «Baharodzica, Pucina prahani». Paźniej sud zamianiŭ pakarańnie Samucevič na ŭmoŭnaje.