U Minsku prachodzić ustanoŭčy źjezd «Maładych chryścijanskich demakrataŭ»
Pravodzić sustreču daviałosia na siadzibie BNF.
U Minsku 3 listapada prachodzić ustanoŭčy źjezd hramadskaha abjadnańnia «Maładyja chryścijanskija demakraty» (MCHD), maładziožnaha kryła arhkamiteta pa stvareńni partyi «Biełaruskaja chryścijanskaja demakratyja» (BCHD).
Jak paviedamiła BiełaPAN pierad pačatkam mierapryjemstva lidar MCHD Maryna Chomič, na źjezd abrana 60 delehataŭ z usioj Biełarusi.
«My majem namier stvaryć hramadskaje abjadnańnie dla taho, kab abaranić udzielnikaŭ MCHD ad represij i mahčymych spraŭ na padstavie artykuła 193–1 Kryminalnaha kodeksa za dziejnaść ad imia niezarehistravanaj arhanizacyi», —skazała jana.
Pavodle słoŭ Chomič, aktyvisty MCHD jašče 10 kastryčnika padali 13 zajavak na praviadzieńnie ŭstanoŭčaha źjezda arhanizacyi ŭ roznyja ŭstanovy Minska, adnak im usiudy admovili, tamu daviałosia pravodzić źjezd ŭ ofisie Partyi BNF.
Delehaty źjezda płanujuć pryniać statut arhanizacyi i abrać kirujučyja orhany hramadskaha abjadnańnia.
Sproby abskardzić admovy Miniusta ŭ sudzie byli biezvynikovymi. Zvarot pradstaŭnikoŭ BCHD u Viarchoŭny sud u krasaviku hetaha hoda taksama pośpiechu nie mieŭ — było admoŭlena ŭ razhladzie skarhi. «Heta poŭnaje biaźmiežža. Adnaznačna, što heta palityčnaja zamova nie rehistravać BCHD», — zajaviŭ tady žurnalistam adkazny sakratar arhkamiteta BCHD Dzianis Sadoŭski.Treba adznačyć, što arhkamitet BCHD čatyry razy pravodziŭ ustanoŭčyja źjezdy, i čatyry razy Miniust admaŭlaŭ u rehistracyi partyi.
Sustaršynia arhkamiteta BCHD Vital Rymašeŭski byŭ kandydatam u prezidenty Biełarusi na vybarach 2010 hoda.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»31
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3535
Kamientary