Centralnaja vybarčaja kamisija Ukrainy źviarnułasia ŭ Viarchoŭnuju Radu z prośbaj pryznačyć pieravybary ŭ parłamient u piaci mažarytarnych vybarčych akruhach.
Jak rastłumačyli ŭ viedamstvie, z-za šmatlikich parušeńniaŭ niemahčyma vyśvietlić sapraŭdnuju volu vybarcaŭ. U Centrvybarkamie zajaŭlajuć, što kolkaść takich akruhaŭ moža pavialičycca. Apazicyja, jakaja patrabavała pieraliku hałasoŭ prynamsi ŭ 13 akruhach, abvinavačvaje ŭłady ŭ falsifikacyi i nastojvaje nie na admienie vynikaŭ hałasavańnia, a na pieraliku.
Pavodle papiarednich vynikaŭ vybaraŭ, što prajšli 28 kastryčnika, kiroŭnaja Partyja rehijonaŭ apiaredžvaje apazicyjnyja siły tolki za košt adnamandatnych akruhaŭ. Pavodle partyjnych śpisaŭ u Partyi rehijonaŭ — mienš hałasoŭ, čym u troch apazicyjnych partyjaŭ. Vybary ŭ parłamient pravodzilisia pa źmiašanaj sistemie.
