Sud Žłobinskaha rajona vynies pastanovu pa kryminalnaj spravie, raspačataj pa fakcie sproby terarystyčnaha aktu 24 maja.
Nahadajem, 24 maja supracoŭnikami MUS na miescy ŭčynieńnia złačynstva byŭ zatrymany mužčyna, jaki «ŭ mascy z nadpisam na arabskaj movie i z užyvańniem jomistaściaŭ z zapalnaj sumieśsiu i samarobnaj vybuchovaj pryładaj mahutnaściu prykładna 5 kh u tratyłavym ekvivalencie sprabavaŭ učynić terarystyčnyja dziejańni ŭ dačynieńni da supracoŭnikaŭ padraździaleńnia milicyi pa miescy ich dysłakacyi ŭ Žłobinie».
1 červienia zatrymanamu było pradjaŭlena abvinavačańnie pavodle č. 1 art. 289 KK (zamach na ŭčynieńnie aktu teraryzmu) i art. 295 (niezakonnyja dziejańni sa zbrojaj i bojeprypasami).
U sudzie Žłobinskaha rajona paviedamili, što ŭ abvinavačvanaha jašče na stadyi śledstva była pryznanaja poŭnaja adsutnaść pamiaci. Pastanova suda vyniesiena 29 kastryčnika na zakrytym pasiadžeńni. Jana jašče nie nabyła zakonnuju moc, i jaje pakul nichto nie abskardziŭ.
Pastanova suda — vyzvalić abvinavačvanaha ad kryminalnaj adkaznaści za ŭčynieńnie złačynstvaŭ u stanie poŭnaj adsutnaści pamiaci, pryznačyć prymusovyja miery biaśpieki i lačeńnia ŭ psichijatryčnym stacyjanary sa strohim nazirańniem. Termin lačeńnia vyznačać psichijatry. Abvinavačvany ŭ dačynieńni da inkryminujemych dziejańniaŭ nie ŭśviedamlaŭ ich značeńnia i nie moh kiravać imi. Jon, pavodle zaklučeńnia ekśpiertyzy, ujaŭlaje niebiaśpieku dla hramadstva. Pakul šalony teraryst znachodzicca ŭ SIZA.
Nahadajem, raniej KDB paviedamlaŭ, što «vyniki nieadkładnych śledčych dziejańniaŭ i apytańnia paćvierdzili prychilnaść abvinavačvanaha da idej radykalnaha isłamizmu.Pavodle jaho zajaŭ, asnoŭnaj metaj učynieńnia teraktu było zapałochvańnie nasielnictva i imknieńnie adpomścić orhanam milicyi».
Śledstvam u liku inšych prapracoŭvałasia viersija ab tym, što supraćpraŭnyja dziejańni abvinavačvanaha mohuć źjaŭlacca zvarotnaj reakcyjaj na spynieńnie pravaachoŭnymi orhanami šerahu kanałaŭ nielehalnaj mihracyi z krain z terarystyčnaj aktyŭnaściu ŭ Jeŭropu i zatrymańnie asob, jakija majuć dačynieńnie da ich arhanizacyi.
10 kastryčnika ahienctva BiełTA paviedamlała, što «KDB praviaraje suviaź žłobinskaha terarysta z arhanizavanaj złačynnaj hrupaj».Pra heta karespandentu ahienctva paviedamili ŭ Kamitecie dziaržaŭnaj biaśpieki Biełarusi.
«U asobnuju vytvorčaść vyłučany materyjały pra najaŭnaść suviaziaŭ hramadzianina, ustanoŭlenych pry dapamozie sietki internet, z arhanizavanaj złačynnaj hrupaj pa pierapraŭcy hramadzian Afhanistana ŭ adnu ź jeŭrapiejskich krain. Budzie praciahnuta rasśledavańnie dziejnaści pradstaŭnikoŭ kryminalnych kołaŭ pa pomście pravaachoŭnym orhanam za spynieńnie supraćpraŭnaj dziejnaści adnaho ź lidaraŭ złačynnaj hrupy», — havaryłasia ŭ paviedamleńni BiełTA.
