U Minharvykankamie dla inviestaraŭ zapracavała słužba «adnaho akna»
Z 1 listapada ŭ Minharvykankamie pačała pracavać novaja słužba dla inviestaraŭ, stvoranaja pa pryncypie «adnaho akna». Pra heta 14 listapada na bryfinhu ŭ Minsku paviedamiŭ namieśnik staršyni kamiteta ekanomiki Minharvykankama Dzianis Jaromienka.
Padčas pracy słužby patencyjalny inviestar moža atrymać chutkuju kansultacyju pa svabodnych ziamielnych učastkach i inšych arhanizacyjnych pytańniach, pakarystaŭšysia infakijoskam abo dapamohaj kansultacyjnaha savieta.
«U strukturu kansultatyŭnaha savieta ŭvachodziać piać asnoŭnych padraździaleńniaŭ Minharvykankama — kamitet ekanomiki, ziemleŭparadkavalnaja słužba, fond „Minskharmajomaść“, kamitet budaŭnictva i inviestycyj, kamitet architektury i horadabudaŭnictva.Aprača taho, tam pracujuć dzieviać administracyj, dźvie prajektnyja arhanizacyi kamunalnaha padparadkavańnia. Dadatkova my ŭstanavili suviaź z kamitetam pa pryrodnych resursach i achovie navakolnaha asiarodździa i haradskim upraŭleńniem pa NS», — paviedamiŭ načalnik upraŭleńnia inviestycyj kamiteta ekanomiki harvykankama Mikałaj Achramienka.
Kansultacyi ŭ saviecie možna atrymać u režymie realnaha času pa videasuviazi — słužba pracuje try razy na tydzień: u aŭtorak, sieradu i čaćvier z 9 da 19 hadzin. Pavodle słoŭ Jaromienki, infakijosk taksama maje anhlijskuju viersiju źmiestu, a šerah supracoŭnikaŭ vykankama vałodajuć zamiežnymi movami.
Achramienka zaznačyŭ, što na praciahu troch dzion zaklučeńnie pa padadzienych dakumientach budzie vyniesienaje, paśla čaho dakumienty razhledzić śpiecyjalnaja kamisija, vyniki jakoj buduć zaćvierdžanyja rašeńniem Minharvykankama. Usiaho na praceduru praduhledžvajecca 25–30 dzion.
Biełaruskim prajektam užo zacikavilisia ŭ Maskvie, padkreśliŭ Jaromienka. Prezientacyju słužby płanujecca pravieści padčas Biełaruskaha inviestycyjnaha forumu, jaki projdzie ŭ Minsku 15–16 listapada.
-
Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
-
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
-
«Kibierpartyzany»: Nie treba raździmać paniku, što režym usio moža ŭzłamać, pračytać, pra ŭsio daviedacca. Nie, nie moža
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary