Irłandskaja avijakampanija Ryanair, jakaja pieraniesła častku rejsaŭ z Kaŭnasa (Koŭny) u Vilniu, ź viasny znoŭ budzie rabić bolš rejsaŭ z Kaŭnasa.Pradstaŭniki aeraporta śćviardžajuć, što pakul aficyjnych damoŭlenaściej niama.
Ministr transpartu i kamunikacyj Litvy Elihijus Masiulis u svaim profili ŭ Facebook abviaściŭ, što viasnoj «Ryanair viernie mnohija rejsy ŭ Kaŭnaski aeraport. Z kanca sakavika ŭžo pradajucca kvitki ŭ dzieviaci napramkach. Kančatkovy raskład vyśvietlicca krychu paźniej».
Pradstaŭnik Kaŭnaskaha aeraporta Jurate Bałtrušajcicie skazała, što pakul aficyjnaj infarmacyi ab rejsach Ryanair i kankretnych damovaŭ z Ryanair u aeraporta niama.
«Zaraz iduć pieramovy ab maršrutach, ale podpisy pad damovami jašče nie pastaŭlenyja», — skazała jana.
Z 7 listapada z Kaŭnasa ŭ Vilniu Ryanair pieraniesła piać maršrutaŭ. U Kaŭnaskim aeraporcie ŭ zimovy siezon zastalisia rejsy ŭ Brystal, Dublin, Frankfurt i Łondan.
Paloty Ryanair