Krytyki paraŭnoŭvajuć hetuju kinastužku ź inšaj bykaŭskaj ekranizacyjaj «Uzychodžańnie» pa apovieści «Sotnikaŭ», jakaja była źniataja ŭ savieckija časy režysioram Łarysaj Šapićkaj i atrymała ŭznaharody mnohich prestyžnych mižnarodnych kinafiestyvalaŭ.
Neues Deutschland piša, što asnovaj dla filma Łaźnicy stała raspaviedzienaja Bykavym historyja viny, nievinavataści i śmierci ŭ biełaruskich lasach padčas Druhoj suśvietnaj vajny.
«Bykaŭ pisaŭ pra toje, što jon bačyŭ nibyta praz pavieličalnaje škło. Pra pakuty i achviary biełaruskaha cyvilnaha nasielnictva na toj vajnie i pra asnoŭnyja ekzistencyjnyja pytańni na minnym pole vajennych frantoŭ pamiž niamieckimi akupantami i miascovymi kałabarantami, pamiž partyzanami i mirnymi žycharami».
Heta, naprykład, raspovied pra kałabarantaŭ, jakija pajšli na damovu z djabłam, kab vyratavać ułasnaje žyćcio. I jany potym ździajśniajuć akt sadyzmu suprać svaich suajčyńnikaŭ… Abo pra partyzanaŭ, jakija ryzykujuć žyćciom i zdaroŭjem, kab vyzvalić svaju krainu ad akupantaŭ, i jakija nie pazbaŭlenyja karyślivych ehaistyčnych dumak. Abo pra rabočych dy kałhaśnikaŭ, jaki ŭ žadańni prosta vyžyć, jak praviła, hinuć u pieršuju čarhu.
U svoj čas vajennaja proza Bykava natchniła i Łarysu Šapićku. Film «Uzychodžańnie» prynios joj «Załatoha miedźviedzia» na
Šapićka abrała formu kłasičnych savieckich prapahandysckich filmaŭ i zrabiła ŭ joj pieravarot. Łaźnica hetak ža idzie ad kłasičnaj ekranizacyi, adnak forma, u jakoj jon stavić pytańni adnosna maralnych pryncypaŭ historyi, —
Hieroj filma — puciavy abchodčyk. Spačatku jaho jak padryŭnika źbirajucca zabić niemcy. A potym partyzany chočuć zabić jaho jak zdradnika. Adnak hieroj admaŭlajecca ad luboha supracoŭnictva i, niahieledziačy ni na što, zastajecca prystojnym čałaviekam. Dla časoŭ vajny — heta zanadta skłdanaja iścina.
U inšaj recenzii, jakaja źmieščanaja na staronkach vydańnia Die Welt, aŭtar piša: «Narodžany ŭ 1964 ŭ sučasnaj Biełarusi režyser Siarhiej Łaźnica razam z aperataram Aleham Mutu iznoŭ demanstrujuć kinamovu biez kropki i koski, jakaja adnačasna pieraŭtvarajecca ŭ vielmi sučasnuju.
Sposab kinaapoviedu, čarhavańnie płanaŭ, pastanoŭka scenaŭ — usio hruntujecca na škole Uełsa, Hadara, Tarkoŭskaha».