U Babrujsku sabrali bolš za 170 podpisaŭ, kab nazvać vulicy ŭ honar represavanych piśmieńnikaŭ
Ideju padkazaŭ Bialacki.
U Babrujsku aktyvisty demakratyčnych arhanizacyj sabrali i nakiravali ŭ harvykankam 176 podpisaŭ hramadzian z prośbaj nadać imiony represavanych piśmieńnikaŭ Barysa Mikuliča i Siarhieja Hrachoŭskaha vulicam horada.
Zbor podpisaŭ byŭ abvieščany na viečary pamiaci achviaraŭ stalinskich represij 29 kastryčnika ŭ ofisie miascovaj arhanizacyi Abjadnanaj hramadzianskaj partyi.
Jak paviedamiła hałoŭny arhanizatar zboru podpisaŭ Volha Pimanava,
ideju ab prysvajeńni imionaŭ represavanych babrujskim vulicam padaŭ pravaabaronca Aleś Bialacki, jaki znachodzicca ŭ źniavoleńni ŭ Babrujsku.«Jon skazaŭ, što ŭ nas byŭ taki Barys Mikulič, piśmieńnik, represavany, u hetym hodzie jamu spaŭniajecca 100 hadoŭ, i Hrachoŭski, jaki pačynaŭ svaju pracoŭnuju dziejnaść mienavita ŭ Babrujsku.
Jon nahadaŭ, što hety hod — Hod knihi, a taksamau75-hodździe hoda stalinskaha teroru:
Pimanava paviedamiła, što, kali ŭščylnuju zaniałasia zboram materyjałaŭ pra piśmieńnikaŭ, akazałasia, što vialikuju pracu ŭ hetym kirunku ŭžo praviała babrujskaja biblijateka № 4.
Kalektyŭ hetaj biblijateki ŭžo niekalki hadoŭ vystupaje za toje, kab joj było prysvojena imia Barysa Mikuliča.
Aktyvistka raspaviała, što supracoŭniki biblijateki źviazalisia z žycharami pasiołka Mašukoŭka ŭ Sibiry, dzie pamior biełaruski piśmieńnik, i aktyŭna viaduć ź imi pierapisku. «Adtul pieradali šmat materyjału ab Mikuliču. Jany dahladajuć mahiłu biełaruskaha piśmieńnika — i dzieci, i hramadskija aktyvisty», — adznačyła Pimanava.
«Pamiatajuć pra jaho ludzi tam, u Rasii, u Sibiry, a ŭ nas hetaja tema navat nie ŭźnimałasia, u nas cišynia», —skazała Pimanava. Pavodle jaje słoŭ, takaja situacyja i padšturchnuła pradstaŭnikoŭ usich babrujskich demakratyčnych arhanizacyj padniać temu represavanych piśmieńnikaŭ.
Jak adznačyła Pimanava, inicyjatary zboru podpisaŭ dali ŭładam svabodu vybaru, jakim mienavita vulicach varta nadać imiony Mikuliča i Hrachoŭskaha, — novym ci starym.
Ciapier čytajuć
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam33
Kamientary