Dyjahnostyka – 922 tysiačy, supracoŭnikam Kiraŭnictva spravaŭ prezidenta – ilhoty.
U Minsku paŭtara hoda jak pracuje pieršaja ŭ krainie łabaratoryja snu na bazie Respublikanskaha kliničnaha miedycynskaha centra Kiraŭnictva spravaŭ prezidenta, šyroka viadomaha jak «Lečkamisija».Na dniach łabaratoryja praviała navukovuju kanfierencyju.
— My pieršyja adkryli ŭ našaj ustanovie łabaratoryju snu i zmahli abśledavać i dapamahać pacyjentam dadzienaj katehoryi. I, viadoma, niahledziačy na toje, što my vielmi maładyja ŭ hetym pytańni, nam usiaho tolki paŭtara hoda, nam udałosia sabrać vielmi viadomych lektaraŭ, prafiesaraŭ, jakija da nas pryjechali z Maskvy, z Hruzii, z Amieryki. My spadziajemsia, što jany padzielacca z nami svaim vopytam, ale i
ŭ nas užo jość svaje cikavyja navukovyja napracoŭki, — skazała z hetaj nahody ŭ intervju telekanału STV hałoŭnaja doktarka kliničnaha centra Iryna Abielskaja.
Staršynia nieŭrałahičnaha adździaleńnia łabaratoryi Natalla Čečyk raskazała «Našaj Nivie», što da ich paśpieła źviarnucca kala 250 pacyjentaŭ.
Dla biełarusaŭ dyjahnostyka kaštuje 922 tysiačy rubloŭ, padbor lačeńnia dychalnych rasstrojstvaŭ, źviazanych z parušeńniami snu, — 923 tysiačy.Ale kali brać dźvie pasłuhi adnačasova, na apošniuju daduć źnižku ŭ 140 tysiač rubloŭ.
Biaspłatna abśledavańnie mohuć prajści tolki supracoŭniki Kiraŭnictva spraŭ prezidenta, ale tolki ŭ vyklučnym vypadku i tolki paśla rašeńnia lekarskaj kamisii.
Pasłuhi centra davoli papularnyja siarod zamiežnikaŭ: u centry pabyvali 70 rasiejcaŭ, žychary Prybałtyki, Čechii… Pry hetym hramadzianie SND zapłaciać udvaja bolš za biełarusaŭ, hramadzianie «dalejšych» dziaržaŭ — utraja. Pracy łabaratoryi chapaje: čarha na pryjom raśpisanaja da kanca hoda.
Miedyčnaja dyscyplina, što vyvučaje son, zaviecca samnałohija.Niahledziačy na małady viek biełaruskaj samnałohii, hetaja miedycynskaja dyscyplina aktyŭna i daŭno raźvivajeca ŭ śviecie.
U svajoj bolšaści, ziamlanie nie vysypajucca: tolki 49% śpiać 8 ci bolš hadzin u sutki, a 1 čałaviek ź piaci kožnuju noč śpić mienš za 6 hadzin. Pryčyny biassońnicy mohuć być roznyja: ad
Samnołahi dakazali, što da parušeńniaŭ snu treba stavicca surjozna. Adna z najčaściejšych pryčynaŭ niajakasnaha snu — apnoe, kali padčas snu ŭ čałavieka nastupajuć zatrymki ŭ dychańni (za noč ich moža być sotni, a ahulny čas udušša nabližacca da niekalki hadzin).Pry hetym arhanizm nie atrymlivaje dastatkova kisłarodu, jakaść snu padaje. Apnoe moža pryvodzić da chraničnaj stomlenaści, chvarobaŭ
Łabaratoryja snu adkryła biełarusam dostup da prafiesijnych samnołahaŭ, čaho brakavała raniej. «Kab vylečyć apnoe ŭ śnie, ludzi samastojna jeździli ŭ Rasiju, bo vyjavić dadzienaje zachvorvańnie možna tolki z dapamohaj śpiecyjalnaha manitorynhu, — kaža Natalla Čečyk. — Bieź jaho možna tolki padazravać apnoe».
Parušeńni snu — niebiaśpiečnyja zachvorvańni, ad jakich moža paciarpieć nie tolki chvory, ale i ludzi navokał.Pavodle dadzienych amierykanskich daśledčykaŭ, 37,9% amierykancaŭ chacia b adnojčy na miesiac nienaŭmysna zasynajuć, a 4,5% zasynajuć padčas kiravańnia aŭtamabilem. Praz parušeńni snu zdarajucca sotni aŭtaavaryjaŭ dy niaščasnych vypadkaŭ na pradpryjemstvach. Voś jak u minułyja vychadnyja pad Łodździu (staronka 10). Sanlivaść moža navat stać pryčynaj technahiennych katastrofaŭ. U Biełarusi ž na zatrymki dychańnia padčas snu dy chrap, adzin sa «sputnikaŭ» apnoe, źviartajuć mała ŭvahi i nie iduć da doktara, a prymušajuć chrapuna pieraviarnucca na inšy bok.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier22
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier2
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu44
Kamientary