«Załatanosnyja miški»: šviedy z Studio Total uznaharodžanyja hałoŭnym pryzam Epica Awards za lipieńskuju «miadźviedziroŭku»? 5

U internecie źjavilisia paviedamleńni pra toje, što šviedskaja PR-ahienstva Studio Total vyjhrała załaty pryz bujnoha rekłamnaha konkursu Epica Awards za «miadźviedziroŭku» Biełarusi 4 lipienia. Ale ci nasamreč «plušavy desant» staŭ załatanosnym dla rekłamščykaŭ z Malmio, dakładna nie viadoma. Adzinaja zhadka pra pieramohu Studio Total źmieščanaja na partale Adsotak.by.

Aficyjny sajt premii Epica Awards abiacaje apublikavać śpis pieramožcaŭ-2012 tolki na nastupnym tydni.

Ale kali šviedy i sapraŭdy ŭziali zołata, vidać, mižnarodnaja rekłamnaja supolnaść vysoka acaniła «truk» śmiełych šviedskich piłotaŭ: u hetym hodzie konkurs, jaki raniej byŭ skancentravany na Jeŭropie, pašyryŭ svaju hieahrafiju i staŭ suśvietnym. Sudździami PR i rekłamnych dasiahnieńni hetaha hoda byli 41 ekśpierty z 34 krainaŭ.

Darečy, Łukašenka taksama daŭ «vysokuju» acenku skandynaŭskim «miadźviedziroŭščykam». U lipieni jon źniaŭ z pasady Staršyniu Dziaržpahrankamitetu hienierał-majora Ihara Račkoŭskaha i kamandujučaha VPS i vojskami SPA Uzbrojenych Sił hienierał-majora Dźmitryja Pachmiełkina, abvieściŭ vymovy Žadobinu, Zajcavu, Malcavu i Cichanoŭskamu, a małady žurnalist Anton Surapin i ryełtar Siarhiej Bašarymaŭ apynulisia za kratami KDB.

Epica Awards — premija, jakaja ŭručajecca za vybitnuju kreatyŭnaść śpiecyjalistaŭ pa PR, kinakampanijaŭ, miedyjakansultantaŭ, fatohrafaŭ i dyzajnierskich ahienctvaŭ. Premija Epica Awards była zasnavanaja ŭ 1987 hodzie. Najlepšyja pracy ŭvachodziać u štohadovy zbornik Epica Book.

0

0

0

0

0

0

KCH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH