Pradstaŭniki Ministerstva kultury i Hienprakuratury vyjazdžali na miesca budaŭnictva zabaŭlalnaha kompleksa ŭ Kurapatach i vyjavili parušeńni.
Siensacyjny adkaz na zajavu ŭdzielnikaŭ kruhłaha stała «Abaronim Kurapaty» pra niedapuščalnaść budaŭnictva «Bulbaš'-choła» la kryžoŭ va ŭročyščy Kurapaty atrymała arhanizatarka mierapryjemstva Hanna Šapućka. U adkazie za podpisam namieśnika ministra kultury Viktara Kuraša paviedamlajecca:
«Padčas vyjezdu na miesca vyjaŭlena, što raboty pravodziacca častkova ŭ achoŭnaj zonie historyka-kulturnaj kaštoŭnaści. Pry hetym ich vykanańnie ažyćciaŭlajecca biez dazvołu Ministerstva kultury […].
Ministerstvam kultury vydadziena pradpisańnie zakazčyku rabot STOO „Biełrestinviest“ i Minabłvykankamu ab spynieńni rabot ŭ zonie achovy historyka-kulturnaj kaštoŭnaści […]. Adnaŭleńnie rabot budzie mahčyma paśla zabieśpiačeńnia adpaviednaści prajektnaj dakumientacyi i jaje realizujučym pravavym normam».
Tym časam, u adkazie — ni słova pra prypynieńnie prac na samim budynku «Bulbaš'-choła», tolki pra achoŭnuju zonu Kurapataŭ. Bo niekali dazvoł na pabudovu «Bulbaš'-choła» davała samo ž Ministerstva kultury.
Hanna Šapućka adznačyła, što padpisanty zvarotu, siarod jakich byli takija pavažanyja ludzi jak Ihar Kuźniacoŭ, Siarhiej Chanžankoŭ, Źmicier Drozd dy inšyja, taksama prasili Minkult pra asabistuju sustreču. Hetuju prośbu čynoŭniki praihnaravali.
