«Svaboda źjaŭlajecca hałoŭnaj kaštoŭnaściu, na asnovie jakoj farmirujecca hramadzianskaja pazicyja čałavieka», — zajaviŭ 2 maja padčas uračystaha pasiadžeńnia parłamientaŭ Polščy i Litvy adzin ź lideraŭ biełaruskaj apazicyi Alaksandr Milinkievič, paviedamlaje pres‑słužba palityka.
Uračystaje pasiadžeńnie parłamientaŭ Polščy i Litvy było pryśviečana hadavinie pryniaćcia Kanstytucyi 3 maja 1791 hoda.
A.Milinkievič padkreśliŭ, što «dla biełarusaŭ Kanstytucyja 3 maja źjaŭlajecca častkaj sumiesnaj spadčyny našych narodaŭ». «U Rečy Paspalitaj nie dziaržava ŭładaryła nad hramadzianami, a hramadzianie ŭładaryli nad dziaržavaj, — skazaŭ palityk. — Siońniašnija ŭłady Biełarusi chočuć vykraślić pamiać ab tradycyjach Rečy Paspalitaj. Viernuty ŭ škoły savieckija padručniki, nie dapuskajecca vykładańnie na rodnaj movie, źniščajucca pomniki kultury i architektury».
A.Milinkievič padkreśliŭ, što biełarusy chočuć bačyć svabodnuju, demakratyčnuju i niezaležnuju Biełaruś. «Ja ŭpeŭnieny, što nam udasca hetaha dasiahnuć, u tym liku i dziakujučy vašaj dapamozie», — padkreśliŭ palityk, źviartajučysia da polskich i litoŭskich parłamientaryjaŭ.
