26 maja na terytoryi historyka‑kulturnaha kompleksu «Linija Stalina» ŭ Minskim rajonie projduć uračystyja mierapryjemstvy, prymierkavanyja da Dnia pahraničnika.
Jak paviedamili ŭ Dziaržkampahranvojskaŭ, va ŭračystaściach voźmuć udzieł kiraŭniki respublikanskich orhanaŭ dziaržaŭnaha kiravańnia, vajskoŭcy, členy ich siemjaŭ, a taksama vieterany pahraničnych vojskaŭ.
Paśla ŭračystaha pastrajeńnia jaho ŭdzielniki ŭskładuć vianki da miemaryjalnaha znaka, ustanoŭlenaha ŭ pamiać ab zahinułych, ale nie pieramožanych abaroncach Minskaha ŭmacavanaha rajona.
Płanujecca, što ŭ hety dzień na «Linii Stalina» budzie adkryta ekspazicyja elemientaŭ inžyniernych zbudavańniaŭ, što ŭzvodziacca na dziaržaŭnaj miažy.
Prahramaj mierapryjemstva praduhledžany taksama teatralizavanaja rekanstrukcyja pieršych bajoŭ na dziaržaŭnaj miažy ŭ červieni 1941 hoda, pakazalnyja vystupleńni pahraničnikaŭ pa likvidacyi ŭzbrojenaj hrupy kantrabandystaŭ, pa rukapašnym boi. Paradujuć haściej i kinołahi sa svaimi čaćvieranohimi siabrami.
Zakončacca ŭračystaści śviatočnym kancertam majstroŭ mastactvaŭ biełaruskaj estrady i ahladam fartyfikacyjnych zbudavańniaŭ historyka‑kulturnaha kompleksu. Usim žadajučym vajennyja kuchary prapanujuć pakaštavać pryhatavanuju ŭ palavych umovach sałdackuju kašu.
