Prezident Jeŭrapiejskaj kamisii Žozie Manuel Baroza vykazaŭ udziačnaść lideru demakratyčnych sił Biełarusi Alaksandru Milinkieviču za padtrymku namahańniaŭ Jeŭrapiejskaha Sajuzu ŭ spravie adkryćcia pradstaŭnictva Jeŭrakamisii ŭ Biełarusi.
«My padzialajem vašuju pazicyju, što hety doŭhačakany adkaz na našuju prapanovu źjaŭlajecca stanoŭčym krokam, jaki dazvolić pavialičyć prysutnaść ES u Biełarusi i ŭzmacnić našyja kantakty ź biełaruskaj hramadzianskaj supolnaściu,» — havorycca ŭ liście kiraŭnika Jeŭrakamisii da łaŭreata premii Sacharava.
Žozie Manuel Barozu zapeŭniŭ Alaksandra Milinkieviča, što Jeŭrapiejski Sajuz daŭ jasna zrazumieć biełaruskim uładam, što jon praciahvaje čakać pryniaćcia kankretnych mieraŭ pa demakratyzacyi krainy, pavazie pravoŭ čałavieka, asabliva vyzvaleńnie ŭsich palitviaźniaŭ, harantavańnie svabody słova i svabody ŚMI, stvareńnie adpaviednych umovaŭ dla raźvićcia NDA
«Ciapier Jeŭrakamisija viadzie pieramovy adnosna mietadaŭ arhanizacyi Pradstaŭnictva na asnovie Pahadnieńnia ab stvareńni Pradstaŭnictva ad listapada 2005 hoda», — adznačyŭ Žozie Manuel Barozu.
