Arhanizacyja čarhovym razam padała dakumenty va Upraŭleńnie justycyi Mienharvykankamu dla dziaržaŭnaj rehistracyi.
Nahadajem, što minuły raz, paśla ustanoŭčaha schodu, jaki adbyŭsia 7 traŭnia, dziaržaŭnyja orhany admovilisia zarehistravać «Małady Front». Upraŭleńnie justycyi spasłałasia na toje, što, zhodna z padadzienym Statutam, vyšejšym kiraŭničym orhanam ruchu źjaŭlajecca Centralnaja rada, a maładafrontaŭcy, maŭlaŭ, praviali ustanoŭčy schod, a nie radu.
U minułuju piatnicu 1 červienia na Upravie BNF «Małady Front» pravioŭ ŭstanoŭčuju Centralnuju radu ruchu, padčas jakoj byŭ vyznačany admysłovy śpis siabraŭ Upravy i kiraŭnictva «Maładoha Frontu» dla padačy na rehistracyju. Siońnia presavy sakratar «Maładoha Frontu» Barys Harecki pieradaŭ usie nieabchodnyja dla rehistracyi dakumenty va Upraŭleńnie justycyi.
«Ustanoŭčyja dakumenty byli padrychtavanyja zhodna ŭsich jurydyčnych normaŭ biełaruskaha zakanadaŭstva. Ciapier my budziem čakać adkazu dziaržaŭnych čynoŭnikaŭ. U vypadku, kali čarhovy adkaz budzie admoŭnym, to my adrazu ž padadzim na ich u sud, bo nijakich inšych zaŭvahaŭ aproč ustanoŭčaha schodu paśla minułaje sproby rehistracyi da «Maładoha Frontu» nie było,» — paviedamiŭ Barys Harecki.
