Knihi, dasłanyja ŭ redakcyju
Bieraściejskija karani'98: Histaryčna-krajaznaŭčy j litaraturny zbornik. Redakcyjnaja kalehija: H.Tamaševič (hał. red.) dy inš. — Bieraście: 1998. — 318 s.: ił. — Nakład 5000 as. ISBN 985-6093-24-4
Histaryčna-litaraturny zbornik z ustupnymi słovami staršyni abłvykankamu Załamaja i vice-premjera Rusakieviča i z cytatami z Łukašenki. Źmiest — uryŭki z historyi biaz sensavaje suviazi, razbaŭlenyja tvorami bieraściejskich paetaŭ.
Historyja Biełarusi ŭ tablicach i schiemach. Ad najstaražytniejšych časoŭ da sučasnaści / Układ. Ł.Nahornaja, A.Cimašej. — Miensk: TAA «Junipres», 1999. — 144 s. — (Seryja «Ŭsio dla škoły»). — Nakład 11000 as. ISBN 985-6588-03-0
Nieskładanyja schiemy j vyraznyja tablicy dla systematyzacyi viedaŭ ź biełaruskaje historyi ad časoŭ palealitu da 9 studzienia 1996 h., kali pačała pracu pieršaja sesija Viarchoŭnaha Savietu 13-ha sklikańnia.
Histaryčny słoŭnik biełaruskaje movy. Vyp. 17. Leśničij — Miestskij / Składalnik T.Bliźniuk dy inš. Vyp. 18. Miestcie — Nadozvati / Skład. A.Bułyka dy inš. Pad red. A.Bułyki. — Miensk: Biełaruskaja navuka, 1998. — 365 s. — Nakład 500 as. ISBN 985-08-0219-7
Histaryčny słoŭnik źbiraje skarb biełaruskaje litaraturna-piśmovaje movy CHIV—XVIII st. 17-y vypusk kaštuje ciapier 100 tysiačaŭ i jašče lažyć u «Kniharni piśmieńnika» ŭ Miensku.
Kantakty i dyjalohi. Infarmacyjna-analityčny j kultaralahičny biuleteń. №6 (42), červień 1999. №7-8 (43-44), lipień—žnivień 1999. — Miensk: Mižnarodnaja asacyjacyja biełarusistaŭ, 1999. — 56 s. — Nakład 299 as.
U numary 6: «Zapoźnieny rozdum pra trahiedyju na Niamizie» Adama Maldzisa, «Rola katalictva ŭ biełaruska-polskim uzajemadziejańni na sučasnym etapie» Lubovi Ŭładykoŭskaj-Kanaplanik. Jak zaŭždy, šmat recenzijaŭ. Publikujucca frahmenty budučaha daviednika «Biełarusy ŭ śviecie». Numar 7-8 całkam pryśviečany Johanu Volfhanhu fon Hiote dy jahonym tvoram, što pierakładalisia na biełaruskuju movu ci stavilisia ŭ nas na scenie.
A.Łakotka. Nacyjanalnyja rysy biełaruskaj architektury. — Miensk: Uradžaj, 1999. — 366 s.: ił. — Nakład 2000 as. ISBN 985-04-0397-7
Try hałoŭnyja abjekty hruntoŭnaj, bahata ilustravanaj knihi — vioska, miastečka j horad. Kniha, jakuju nielha nie nabyć. Cana ŭ kniharniach — 2400 tysiačaŭ, u vydaviectvie na paŭmiljona tańniej.
V.Łupačoŭ, V.Rahaŭcoŭ. Rasiejska-biełaruski słoŭnik z mašynabudaŭnictva. — Miensk: Viedy, 1998. — 136 s. — Nakład 100 as.
U novym terminalahičnym słoŭniku — 6000 asnoŭnych paniaćciaŭ i sensavych spałučeńniaŭ, što najčaściej užyvajucca ŭ sučasnaj techničnaj i navukovaj litaratury mašynabudaŭničaha profilu. Rekamendavany Terminalahičnaj kamisijaj Nacyjanalnaj Akademii Navuk Biełarusi. Vydańnie ŭ miežach prahramy «Padtrymka sacyjalna-pravavaha statusu biełaruskaje movy ŭ Biełarusi» Mahiloŭskaje haradzkoje Rady TBM. U Miensku pradajecca tolki ŭ kniharni «Śvietač».
A.Marcinovič. Śviataja Jefrasińnia: Narys: Dla małodšaha školnaha vieku / Mast. V.Staščaniuk. — Miensk: Junactva, 1999. — 62 s.: ił. — Nakład 4000 as. ISBN 985-05-0274-6
Matarjały navukova-praktyčnaje kanferencyi, pryśviečanaj 81-aj hadavinie abviaščeńnia niezaležnaści Biełaruskaje Narodnaje Respubliki (25 sakavika 1999 h., Homiel). — Homiel, 1999. — 43 s. — Nakład 100 as.
A.Sarokin. Na rostaniach ajčynnaje historyi. Biełaruskaja vioska: Ad Dekretu da Kodeksu ab ziamli (1917-1990-ja h.) / Seryja «Historyja Baćkaŭščyny». Dadatak da časapisu «Pravo i ekonomika». — Miensk: 1999. — 304 s. — Nakład 200 as.
Dla studentaŭ i vykładčykaŭ.
M.Skobła. Dziarečynski dyjaryjuš. Histaryčny narys (artykuły, ese). — Miensk: «Biełaruski knihazbor», 1999. — 272 s.; 16 s.: ił. — Nakład 1200 as. ISBN 985-6318-49-1
Na prykładzie svajho rodnaha Dziarečyna aŭtar piša pra kolišniaje žyćcio biełaruskich miastečak. U XVII st. U Dziarečynie dziejaŭ teatar, stavilisia klasyčnyja opery, funkcyjanavała vajskovaja akademija. U miascovym pałacy pierachoŭvałasia bahataja kalekcyja staradrukaŭ, šedeŭraŭ žyvapisu dy inšych tvoraŭ mastactva, što pa zadušeńni paŭstańnia 1830-1831 h. pieravandravali ŭ schoviščy rasiejskich muzejaŭ, u tym liku Ermitažu. Kniha kaštoŭnaja šyrokim vykarystańniem unikalnych matarjałaŭ z archivaŭ Horadni, Varšavy j Pieciarburhu, a taksama bahaćciem kalarovych i čorna-biełych fotazdymkaŭ na ŭklejcy. U dadatak da histaryčnych narysaŭ źmieščanyja apoviedy pra Łarysu Hienijuš, Natallu Arsieńnievu, Ryhora Baradulina dy inšych tvorcaŭ. Vydańnie knihi stałasia častkaju prajektu «Miestačkovy renesans». U vydaviectvie jaje pradajuć na 200 tysiačaŭ tańniej, čym u kniharniach.
Spadčyna. №3, 1999. — 224 s. — Nakład 3000 as. ISSN 0236-1019
Praciahvajecca publikacyja pracy Stanisłava Stankieviča «Biełaruskija elementy ŭ polskaj ramantyčnaj paezii» dy «Apovieści pra Tryščana». U numary taksama: libreta Natalli Arsieńnievaj da histaryčnaj opery ŭ 4-ch dziejach «Usiasłaŭ Čaradziej», praca Anatola Hryckieviča «Haradzkoje samakiravańnie ŭ Miensku pavodle pryvileju na Majborskaje prava 1499 h.» i narys Zory Kipiel pra biełaruskuju litaraturu XVI st. Nieviadomyja staronki historyi hartajuć Uładzimier Hłybinny ŭ ahladzie «Dola biełaruskaje kultury pad savietami» j Aleś Bieły «Nieviadomyja epizody «nieviadomaje vajny». Słuččyna, što dała nacyjanalnamu ruchu bieźlič słaŭnych postaciaŭ, stałasia abjektam krajaznaŭčaha narysu V.Budzimiera.
A.Stankievič, S.Lin. Łacinskaja mova: Padručnik. — Miensk: Universyteckaje, 1999. — 269 s. Nakład 2250 as. ISBN 985-09-0270-1
Kniha dapamoža studentu zasvoić systemu łacinskaha słova- j formaŭtvareńnia, raźvinie navyčki pierakładu łacinskich tekstaŭ, uzbahacić leksyčny minimum. Majecca ŭ knizie chrestamatyja ŭryŭkaŭ z tvoraŭ rymskich klasykaŭ, a hetaksama daviednik mitalahičnych imionaŭ, rymski kalandar i słoŭnik.
Ź.Jackievič. Mały hierboŭnik chałopienickaje šlachty. — Miensk: «Biełaruski knihazbor», 1999. — 94 s. — Nakład 500 as. ISBN 985-6318-52-1
Histaryjahrafičnaje vydańnie, u jakim na padstavie archiŭnych dakumentaŭ raspracoŭvajecca hienealohija biełaruskich šlachieckich radzinaŭ. Hetym razam raspaviadajecca pra 131 rod z zachodniaje častki kolišniaha Aršanskaha pavietu, što pa dałučeńni ŭ 1772 h. uschodniaje častki Vialikaha Kniastva Litoŭskaha da Rasiei, zastaŭsia pa biełaruski bok miažy, z centram u Chałopieničach. Padajucca nia tolki hierby, ale j źviestki pra pasady, majontki, inšaja infarmacyja.
Biełorusskij dnievnik / Skład. Ł.Jekiel. — Miensk: Charviest, 1999. — 112 s. — Nakład 1000 as. ISBN 985-433-472-4
H.Vasilevič. Normativno-pravovyje akty hosudarstviennych orhanov Riespubliki Biełaruś / Seryja «Prava», dadatak da časapisu «Pravo i ekonomika». — Miensk, 1999. — 232 s. — Nakład 250 as. ISBN 985-6194-78-6
H.Vasilevič. Orhany hosudarstviennoj vłasti Riespubliki Biełaruś (Konstitucionno-pravovoj status). Navučalny dapamožnik. — Miensk: «Bin-S», 2-oje vyd. dap., 1999. — 248 s. — Nakład 250 as. ISBN 985-6537-07-6
I.Kuźniecov, V.Šovkoplas. Istorija hosudarstva i prava Biełarusi. — Miensk: «Dykta», 1999. — 272 s. — Nakład 3000 as. ISBN 985-6567-11-4
Fienomien populizmu v postradianśkomu prostori: Matieriali ukrainśko-biłoruśkoho sieminaru. Pad red. A.Hrycenki. — Kijeŭ: UCKD, 1999. — 80 s. ISBN 966-95394-4-7
U kanferencyi ź biełaruskaha boku brali ŭdzieł Valer Karbalevič i Aleś Ancipienka — ichnyja spavieščańni, a taksama matarjały dyskusii z udziełam Ihara Babkova padajucca ŭ zborniku matarjałaŭ seminaru, na jakim paraŭnoŭvali biełaruski i ŭkrainski papulizmy.
V.Ŝierbań. Spovid́ pieried snom, Abo dva roki zaradi majbutńoho. Zapiski jeks-hubiernatora, jakij vidvaživsia na rieformi. — Danieck, 1997. — 364 s.: 24 s. ił. ISBN 952-90-8948-1
Čytaŭ knihi Viktar Muchin
