4 červienia palitviaźniu Arturu Fińkieviču admovili ŭ daterminovym vyzvaleńni. Chłopcu prosta dali raśpisacca pad vynikami pravieračnaj kamisii, jakaja adbyvałasia 14 sakavika sioleta. U dakumencie havorycca, što da Artura Fińkieviča, jak złosnaha parušalnika unutranaha paradku kamendatury, nia moža być prymienienaje ŭmoŭna-daterminovaje vyzvaleńnie ci zamiena pakarańnia na bolš miakkaje.
U traŭni 2006 hodu Artur Fińkievič byŭ asudžany da dvuch hadoŭ abmiežavańnia voli za naniasieńnia hrafici. Ź leta taho ž hodu jon adbyvaje pakarańnie ŭ mahiloŭskaj speckamendatury. Na siońniašni dzień Artur maje try papiaredžańni ad administracyi kamendatury. Kali atrymaje jašče adno, to jaho mohuć pasadzić u turmu.
Fińkievič u svaju čarhu kaža: “Kali budzie pryniataje niejkaje palityčnaje rašeńnie pra majo vyzvaleńnie, to ŭsie hetyja papiaredžańni možna skasavać ciaham piaci chvilin”.
Termin pakarańnia Artura Fińkieviča kančajecca ŭ śniežni sioleta.
