Zarezali «Mumifikatara»
Bieraściejski harvykankam zabaraniŭ praviadzieńnie festyvalu «Dzień mumifikatara», jaki ładziŭsia Novym Frontam Mastactvaŭ i mieŭsia adbycca 5—6 sakavika ŭ haradzkim klubie «Vulkan». Zdavałasia b, arhanizatary zrabili ŭsio, kab uvieści ŭ zman miascovyja ŭłady. Hrupa «Pravakacyja», što musiła vystupać razam z «Sołncie-Ćvietami» dy «Baradatym Hrynvičam», na afišach była paznačanaja jak «Ura! Vakacyi!», a pobač anansavalisia vystup veteranskaha choru «Praleska» dy deklamavańnie vieršaŭ Kupały i Kołasa. Teatar Psychičnaj Nieŭraŭnavažanaści, što mieŭ prezentavać perfomans «Popieł», na abviestkach — dziela kanśpiracyi — nazyvaŭsia Teatram Dušeŭnaha Spakoju.
Adnaho tolki nie ŭličyli maładyja avanhardysty — chvaravitaj cikaŭnaści biełaruskaha čynoŭnika, jaki — nasupierak čakańniam arhanizataraŭ — zalez-taki ŭ słoŭnik dy patłumačyŭ sabie sens lekcyi Źmitra Višniova «Kaprafahija i biełaruski nacyjanalny kaścium». Na dumku Jurasia Barysieviča, čyja hrafika dy kalažy musili padzivić naviednikaŭ, meryja pieralakałasia nia tak «satanizmu», jak biełaruskamoŭnaści. Ciapier zastajecca spadziavacca, što festyval «Dzień mumifikatara» ŭsio ž adbudziecca 27 sakavika na mienskaj «Volnaj scenie».
A.P.
