«Dziela taho, kab pryvatyzavać dziaržaŭnuju majomaść byłoj HDR, mafija padkładała ŭ łožki niamieckich čynoŭnikaŭ z uschodnich ziemlaŭ FRH dziaŭčat dy małaletak z Rasiei, Ukrainy, Biełarusi, Litvy, Łatvii, inšych postsavieckich i uschodnieeŭrapiejskich krain». Materyjały na hety kont utrymlivajucca ŭ spravazdačach Saksonskaha federalnaha viedamstva pa achovie Kanstytucyi.
Jak piša žurnalistka Childehard Minzopust (Hildegard Miensopust) z Neue Rheinische Zeitung, ad pačatku 90‑ch złačynstvy ažyćciaŭlalisia litaralna na vačach saksonskaj prakuratury i ŚMI. Tyja palicejskija, jakija sumlenna źbirali ŭliki ŭ łancužku «žyvy tavar — pedafiły‑ złačynnaja pryvatyzacyja», adchilalisia ad śledztva.
Za apošnija 15 hadoŭ Niamieččyna pastupova pieratvaryłasia ŭ lidera seksualnaha handlu, a Biełaruś zajmaje daloka nie apošniuju pazycyju siarod pastaŭščykoŭ žyvoha tavaru,— śviedčać pradstaŭniki zasnavanaj u 1918 hodzie ŭ Dortmundzie pravaabarončaj inicyjatyvy pa pracy z achviarami seksualnaha hvałtu «Mitternachtsmission».
«Z kožnym hodam siaredni uzrost uciahnutych ŭ seksualnaje rabstva pradstaŭnikoŭ postsavieckich krain maładzieje»,— havoryć supracoŭnica dortmundzkaj inicyjatyvy Sabina.
Što da handlu dziećmi, to jon jašče bolš prybytkovy za handal žančynami. Kali ŭ Rasiei, Ukrainie, Biełarusi jość rassłajeńnie na bahatych i biednych, biespracoŭje, alkahalizm, baćki, jakija admaŭlajucca ad dziaciej, biazdomnyja dzieci, a na Zachadzie jość popyt na seks z małaletkami, pytańnie vyvazu žyvoha tavaru — vyklučna techničnaja sprava. Eŭraźviaz štości pavinien pradprymać»,— miarkuje pradstaŭnica «Mitternachtsmission».
Padobnaha mierkavańnia prytrymlivajecca i prafesar palicejskaj akademii ŭ Velinhienie, specyjalist ŭ halinie kryminalnaj seksualnaj psychalohii Adolf Halvic. Jon ličyć, što ŭ Biełarusi, jak i ŭ mnohich postsavieckich krainach, isnuje «kanflikt pamiž kaštoŭnaściami i normami», a tamu isnuje i pole dla dziejnaści seksualnaj mafii. U jakaści prykładu admysłoviec pryvodzić dziejnaść mienskaj kampanii Regpay, praź jakuju klijenty z mnohich krain śvietu atrymlivali dostup da Internet‑resursaŭ pedafilnaha źmiestu.
Baraćba z seksualnymi handlarami, pavodle prafesara, sprava nadzvyčaj składanaja, pakolki kryminalnikaŭ prykryvajuć pradstaŭniki vyšejšych słajoŭ hramadztva.
Što da apošniaha, hetak zvanaha Saksonskaha skandału, to jaho fihurantami źjaŭlajucca niamiecki ministar transpartu, deputat Bundestahu, burhamajstry. Miarkujecca, što ździełki pa pryvatyzacyi ŭschodnieniamieckaj majomaści niaredka adbyvałasia ŭ časie seksualnych viečarynak z małaletkami. Piruški arhanizoŭvalisia vyšejšymi asobami municypalitetaŭ Lajpcyhu, Drezdena, Chiemnica.
-
Zialenski: Tańniej nie dać Rasii vyrablać rakiety, čym ratavać enierhasistemu Ukrainy
-
«DNŽ — heta pryvilej, a nie prava». Novaja kiraŭnica Departamienta mihracyi Litvy adkazała na pytańni, aktualnyja i dla biełarusaŭ
-
Zialenski ŭ Davosie: Kali b Jeŭropa dapamahła biełaruskamu narodu ŭ 2020 hodzie, to ŭ Biełarusi siońnia nie było b «Arešnika»
Kamientary