pazytyvy
La haścinca staroha...
A nad taboju, u biezdani lipieńskaha nieba, niby vietraź, staraja biaroza pry biełym i pylnym šlachu. Kraj pry darozie. Baćkaŭščyna.
Tysiaču hadoŭ nam šancuje z darohami. Nia toje, što jany ŭ nas nadta dobryja, prosta nas nie abjechać. Nikoli j nie abjaždžali. Spačatku, praŭda, bolš płavali: Dniaprom i Dźvinoj, Niomnam i Vialloj, mahutnaj Prypiaćciu i rudym Buham. Potym pa čyhuncy, a pa vajnie, u dadatak, pa paralelnych aŭtatrasach latuć dzień i noč na Maskvu i Berlin, na Piecierburh i Adesu.
Prykładna 200 000 pajezdak za hod rabili praz naš kraj zamiežnyja aŭtapieravozčyki. Čamu rabili? Bo za minułyja paŭhady pilnyja naziralniki, jakich u nas, jak na sabaku skočak, nie daličylisia amal 12 000 haścioŭ.
Toj biady! — skaža abyjakavy da ekanomiki hramadzianin i zrobić bujnuju pamyłku. Bo ŭ vyniku antybiełaruskich pavodzinaŭ kiroŭcaŭ bujnahabarytnaha transpartu my stracili 3 500 000 paŭnavartych amerykanskich dalaraŭ tolki na roznych zborach i paborach.
Čamu? Bo susiedzi našy, Ukraina i Litva z Łatvijaj, daj im Boh zdaroŭja, biaruć u try razy mieniej za nas z adnaho padarožnaha.
A ŭ našych aŭtapieravozčykaŭ jašče j inšaja biada. Pad bokam u nas Eŭropa. Eŭropa ŭviała bolš žorstkija ekalahičnyja normy dla hruzavych aŭtamabilaŭ. Tamu našy dźvie tysiačy pryvatnych pieravozčykaŭ vymušanyja intensiŭna abnaŭlać aŭtapark. Kab zachoŭvać kankurentazdolnaść, im patrebna minimum pa 100 novych mašynaŭ z furami štohod. Brali ich u lizinh (heta arenda z nastupnym vykupam), bo zamiežnych kredytaŭ Biełarusi nichto nie daje. Lizinhavyja kampanii lepšych u Eŭropie aŭtazavodaŭ pastavili ŭ Biełaruś kala 5000 mašynaŭ. Ale dziela taho, što padatki na adnu mašynu ŭ krainach Eŭraźviazu na 15% mienšyja za našy, našy aŭtapieravozčyki stračvajuć mahčymaść raspłacicca za tyja mašyny i akazvajucca pierad pahrozaj ich kanfiskacyi.
Michał Zaleski
