Jak paviedamiŭ Racyi kiraŭnik arhkamitetu partyi «Biełaruskaja chryścijanskaja demakratyja» ŭ Mazyry Pavieł Nazdra, usiaho vierniki‑pratestanty sabrali 1.800 podpisaŭ za viartańnie kaściołu ŭ Minsku ryma‑katalickaj carkvie. — Ludzi aburanyja tym, što chram źbirajucca pierarablać u niejki zabaŭlalny centr.
Praciahvajecca taksama zbor podpisaŭ u miežach kampanii pa abaronie pravoŭ na svabodu sumleńnia. Pavodle Paŭła Nazdry, u horadzie za źmienu Zakonu «Ab svabodzie sumleńnia i relihijnych arhanizacyjach» padpisalisia 1.665 čałaviek.
— Kampanija praciahvajecca, da jaje dałučajucca novyja ludzi. Podpisy staviać vierniki roznych kanfiesij i navat ateisty.
Nahadajem, što ŭ traŭni startavała kampanija pa zboru podpisaŭ z metaj pryviadzieńnia Zakonu «Ab svabodzie sumleńnia i relihijnych arhanizacyjach» u adpaviednaść z Kanstytucyjaj Biełarusi, jakaja harantuje prava kožnamu čałavieku na svabodu vieravyznańnia i zabaraniaje ŭmiašańnie ŭ asabistaje relihijnaje žyćcio.
U kaściole Śviatoha Jazepa siońnia raźmiaščajecca «Archiŭ navukova‑techničnaj dakumentacyi» i «Archiŭ litaratury j mastactva Biełarusi». Dva hady tamu vierniki‑kataliki raspačali vuličnyja nabaženstvy za viartańnie katalickich śviatyniaŭ. Paśla taho, jak stała viadoma, što minskija ŭłady pryniali rašeńnie pabudavać na miescy klaštarnaha kompleksu zabaŭlalny centr z hatelem i padziemnymi haražami, da nabaženstvaŭ stali dałučacca vierniki inšych chryścijanskich kanfiesij.
