Jamu inkryminujuć atrymańnie zarabotnaj płaty za «miortvaha» čałavieka
Majstar kacielnych Škłoŭskaj žyllova‑kamunalnaj haspadarki Alaksandr Fiodaraŭ byŭ aryštavany siońnia ŭ 14:20 14 červienia. U 19:00 milicyjanty ŭčynili pieratrus u chacie Alaksandra Fiodarava j jaho žonki.
U 21:00 kiraŭnik Mahiloŭskaj abłasnoj arhanizacyi Partyi BNF Ryhor Kastusioŭ atrymaŭ telefonny zvanok ad aryštavanaha. Alaksandr Fiodaraŭ paviedamiŭ, što jamu inkryminujuć atrymańnie zarabotnaj płaty za «miortvaha» čałavieka, a taksama skazaŭ spadaru Kastusiovu, što abvinavačvańnie biespadstaŭnaje.
Zaraz Alaksandr Fiodaraŭ znachodzicca ŭ kamery časovaha zatrymańnia ŭ Škłovie. Praz try dni jamu musiać vystavić abvinavačvańnie.
«Užo była sproba zvolnić Alaksandra ŭ 2003 hodzie padčas kampanii miascovych vybaraŭ, — kaža Ryhor Kastusioŭ. — Tady jon pracavaŭ u majoj kamandzie, i paśla vybaraŭ pačalisia surjoznyja prablemy na pracy. Tym nia mienš Alaksandr Fiodaraŭ ličycca vielmi prafesijnym pracaŭnikom, i niadaŭna pad jaho nahlad było pieradadziena jašče dźvie kacielnyja».
Ryhor Kastusioŭ niekalki hod tamu nazad pracavaŭ dyrektaram Škłoŭskaj Žyllova‑kamunalnaj haspadarki. U 2001 hodzie na praciahu dvuch miesiacaŭ ułady šukali kampramat na jaho, kab zvolnić z pracy.
«Alaksandr Fiodaraŭ — adzin z najbolš pavažanych frontaŭcaŭ Mahiloŭščyny, — kaža lider Partyi BNF Vincuk Viačorka. — Ja nie sumniajusia ŭ tym, što hety aryšt — častka kampanii pieraśledu rehijanalnych lideraŭ demakratynych siłaŭ. Pierakanany, što sprava Alaksandra Fiodarava — heta sprava palityčnaja. My budziem patrabavać vyzvaleńnia Alaksandra ź viaźnicy j prazrystaści ŭsich śledčych dziejańniaŭ nad im. Jon pavinien być na svabodzie. Znachodziačysia ŭ viaźnicy, čałaviek nia moža realna baranicca. Pieršaje, što musiać zrabić ułady zaraz, — vyzvalić usich palitźniavolenych. I my budziem patrabavać vyzvalić Alaksandra Fiodarava, jak i astatnich palityčnych viaźniaŭ».
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia19
Kamientary