Chronika kampanii

 Chronika kampanii

Lidzija Jarmošyna: “Dzie Paźniak?”

U duchu starych Litoŭskich statutaŭ padyšła da rehistracyi Zianona Paźniaka kiraŭnička łukašenkaŭskaha Centravybarkamu. Na list Zianona, jaki dasłaŭ śpisy svajoj inicyjatyŭnaje hrupy poštaju, jana adkazała dvuma. Adzin nakiravała ŭ Kanstytucyjny sud: ci maje prava Paźniak vyłučacca, kali jon nia žyŭ u Biełarusi? Druhi — samomu Paźniaku: patłumačcie, kali łaska, ź jakoj pryčyny Vy nie žyli ŭ Biełarusi? Z Sudu adkazali: možacie rehistravać na svoj odum. Paźniak adpisaŭ: u Biełarusi prapisany, u Biełarusi žyŭ i žyvu, aproč peryjadaŭ znachodžańnia za miažoj pa słužbovaj ci palityčnaj nieabchodnaści. Kali mianie nie rehistrujecie, tady nia majecie prava zarehistravać i Sinicyna z Čyhirom. Jarmošyna tłumačeńniem Paźniaka zadavoliłasia i jahonuju inicyjatyŭnuju hrupu zarehistravała.

Zastajecca hadać — čamu: ci to jana takaja viernaja litary zakonu, ci to Paźniak na vybarach patrebny Łukašenku, ci to bieź Sinicyna Łukašenku ŭ vieraśni nie abyścisia.

Zianon Paźniak: “Abaronca
hetaha narodu”

U interviju Radyjo Svaboda Zianon paviedamiŭ: “Siarod tych ludziej, jakija zajavili ab žadańni vystupić na vybarach u jakaści kandydataŭ, niama nivodnaha čałavieka, jaki b vystupaŭ na baku biełaruskaha narodu. Heta ŭsio ludzi, jakija supracoŭničajuć z Maskvoj, z maskoŭskaj palitykaj. Ja cudoŭna razumieju, što ja ŭ hetaj sytuacyi adziny kandydat, jaki budzie pradstaŭlać alternatyvu maskoŭskaj i łukašenkaŭskaj palitycy. Nijakich sajuzaŭ z Rasiejaj! Što datyčyć šlachu ŭ Eŭropu, to heta nia značyć, što my adrazu tudy pabiažym. Nam treba stać na nohi i padniać vysoka hałavu, i pajści z vysoka ŭźniataj hałavoj, a nie na kaleniach. Ciapier, u hetym stanie, nas mohuć pahnać tolki na kaleniach, a tych, chto staić na kaleniach, — nichto nia lubić. Tamu my pavinnyja sychodzić z našaj nacyjanalnaj hodnaści i z našych mahčymaściaŭ, z našaj ułasnaści, kultury i historyi. Voś takaja maja pazycyja. Ja adčuvaju abaviazak — ja prosta abaviazany vystupać abaroncam hetaha narodu, da jakoha sam naležu”.

Kali ž ty vierniešsia, Zianonie?

Natala Mašerava: niepadkupnaja

Byccam by Łukašenka prapanavaŭ joj post vice-premjerki pa sacyjalnych pytańniach, aby jana nie išła na vybary, a jana byccam by admoviłasia. Byccam by skazała: “Kali žančyna idzie na vybary, jana spadziajecca na pieramohu”. Takaja voś byccam by apazycyjanerka vyhadavałasia pad kryłom Zamiatalina.

A što? U kałchozach i nie takomu vieryli.

Siamion Domaš: amaładžeńnie

Z usich inicyjatyŭnych hrupaŭ Centravybarkam adkłaŭ tolki rehistracyju domašaŭskaj. U vyniku zboju domašaŭskaha kamputara ŭsie jaje siabry akazalisia ŭ dakumentach maładziejšyja na 10 hadoŭ. Čytaje Jarmošyna śpisy i nia moža ŭciamić, što heta siarod zborščykaŭ podpisaŭ 13—14-hadovyja robiać?

Michaił Marynič:
“Puć u nikuda”

Michaił Marynič sprabavaŭ na biełaruskamoŭnyja pytańni žurnalistaŭ adkazvać pa-biełarusku.

Łukašenkaŭskaja palityka, kaža, — “heta puć u nikuda”.

Mikoła