Sto dzion Łukašenku
Nie pryniata krytykavać novaabranaha kiraŭnika dziaržavy ŭ pieršyja sto dzion jahonaha mandatu. Jamu dajuć ažyćciavić svaje zadumy ŭ spakojnaj abstanoŭcy.
Ale Łukašenku?.. Paśla ściaha, paśla Hančara, paśla tysiačaŭ zatrymańniaŭ? Sama ideja źmireńnia apazycyi zdajecca bluźnierstvam: kab jamu tych sta dzion nie pieražyć…
Biełaruskaje hramadztva pastaŭlenaje pierad nieabchodnaściu vyznačycca “iak žyć z Łukašenkam”. Z adnaho boku, u Łukašenki ŭłada. Ź inšaha — pytańnie “iak žyć z Łukašenkam” dla mnohich hučyć usio adno što “iak žyć z chvarobaj”. Niejak treba, ale jak?
Aŭtarytarnyja režymy zvyčajna mianiajucca ad žorstkich da ŭsio bolš liberalnych, tamu pieršyja try miesiacy kiravańnia daduć istotnyja adkazy na istotnyja pytańni. Jak ułady buduć dušyć hramadzianskuju supolnaść, u tym liku prafsajuzy i presu? Jakaja stupień ekanamičnaj svabody budzie dadzienaja subjektam haspadarańnia i ŭ jakoj miery ŭrad maje adstojvać intaresy biełaruskaha kapitału i majomaści pierad rasiejskimi? Ci adroźnivaje novy ŭrad biełaruskija ekanamičnyja intaresy ad rasiejskich? Ci navažany prysłuchoŭvacca da Eŭropy i Ameryki? Ci źbirajecca dalej trymać movu i kulturu na arkanie? Ci chopić śmiełaści pryznać spravy ab palityčnych zabojstvach i pakarać vinavatych?
U druhi ž dzień mandatu nia vyjšli Svobodnyje Novosti. U Krupkach za palityku zvolnili nastaŭnika, u Maładečnie — aptekarku. U Kurapaty prybyli buldozery.
Varta było b prytrymacca praviła “sta dzion”. Voś tolki jak?
Andrej Dyńko
