Biełaruś praz 100 hadoŭ
Kiravać buduć razumnyja
Z-za taho, što Eŭropa z kožnym hodam budzie ŭsio bolš arabskaj, praz 100 hadoŭ i ŭ našaj krainie znoŭ pačnuć pisać arabicaj, ci tak zvanym Alifam. Novaj abecedaj buduć vydavacca klasyki sučasnaści. Kiryličny pravapis zastaniecca adno ŭ cerkvach.
Praz 100 hadoŭ u pašpartach hramadzianaŭ Biełarusi nia budzie daty naradžeńnia. Jaje źmienić data śmierci (hiennaja inžyneryja daść mahčymaść dakładna heta vyznačyć pry źjaŭleńni niemaŭlaci na śviet). Karystajučysia źviestkaj ab śmierci, ludziej buduć prymać abo nie prymać na pracu, abirać ci nie abirać prezydentam... Mnohija złačyncy paźbiehnuć adkaznaści za svaje dziei tolki praz toje, što na čas sudu amal skončać svoj ziamny šlach.
Jašče ŭ pašparcie źjavicca specyjalny raździeł, dzie budzie vyznačacca IQ uładalnika na peŭny momant žyćcia. Dziakujučy joj, źniknuć raniejšyja nievyrašalnyja pytańni kštałtu “čamu durny kiruje razumnym?”.
A hazeta “Naša Niva” budzie isnavać i tady. Pakolki jana budzie razhladacca pomnikam historyi i kultury Biełarusi, jaje nakład budzie štučna strymlivacca na siońniašniaj miažy 5 tys. ekzemplaraŭ — kab zachavać kolišniuju elitarnaść. Padpisčyki buduć adbiracca praz konkurs. Trapić u lik vybranych budzie ličyć za honar kožny, a čytačy “NN” u druhim i trecim pakaleńni aŭtamatyčna stanuć hanarovymi siabrami Akademii krainy.
Usievaład ź Vialejki
Novy prajekt “Našaje Nivy”
2101 hod. Jakoj budzie Biełaruś praz 100 hadoŭ? Jakoj budzie dziaržava i jaki dziaržaŭny ład? Jakimi buduć harady? Jaki horad budzie stalicaj Biełarusi? Jakimi miežy krainy? Što biełarusy buduć jeści? Jakimi buduć biełaruskija hrošy? Jakim transpart? Jakimi srodki masavaj infarmacyi? Jakaja litaratura budzie čytacca? Ci zastanucca teatry? Jakija imiony buduć samymi papularnymi? Jakimi stanuć lasy i reki? Ci možna budzie kupacca ŭ zabrudžanych siońnia aziorach? Jakija źviary źniknuć, jakija novyja raśliny zaviaducca? Što budzie z čarnobylskaj zonaj? U jakich cerkvach buduć malicca ludzi? Što jany viedaćmuć pra 2001 hod? Što budzie z nami?
Štotydnia — fantazii pra budučyniu Viečnaj Biełarusi, ese, prahnozy i futuralahičnyja artykuły ŭ rubrycy “Biełaruś praz 100 hadoŭ”. Z hetaha vyjdzie cełaja kniha! Čakajem Vašych dopisaŭ. Budziem zahadvać.
