Cupracoŭniki ideałahičnych słužbaŭ Hrodna aktyvizavali prapahandysckuju pracu pa abmierkavańni prajekta zakona «Ab dziaržaŭnych sacyjalnych ilhotach dla asobnych katehoryj hramadzian».
Niekalki dziesiatkaŭ infarmacyjnych hrupaŭ, stvoranych pry niepasrednym udziele ŭpraŭleńnia pa ideałohii Haradzienskaha abłvykankama, štodzionna sustrakajucca z pracoŭnymi kalektyvami vobłaści, piensijanierami i studentami. Na sustrečach prapahandysty ad ułady tłumačać žycharam Hrodzienščyny ab tym, što pavodle novaha zakona sacyjalnaja dapamoha budzie pieraraźmierkavanaja i jaje zmohuć atrymać tyja katehoryi hramadzian, jakim heta najbolš nieabchodna.
Na sustrečy z pradstaŭnikami adździełaŭ pa ideałohii roznych uzroŭniaŭ u prymusovym paradku vymušany prychodzić jak pracaŭniki pramysłovych pradpryjemstvaŭ, tak i žychary sielskaj miascovaści. Pryčym z‑za niedachopu kadraŭ prapahandysckija abaviazki ŭłady uskłali na siabroŭ BRSM i čynavienstva z vykanaŭčych kamitetaŭ.
