Maładafrontaŭca źbirajucca pieravodzić u Škłoŭ na budaŭnictva papiarovaj fabryki. U speckamendatury Mahilova admaŭlajucca tłumačyć sytuacyju, ale ŭ śpiešnym paradku rychtujuć dakumenty dla pieravodu.
«Biezumoŭna, heta rašeńnie palityčnaje, — kamentuje sytuacyju A.Fińkievič. — Dumaju, heta pieršaja reakcyja prezydenckaj Administracyi na skasavańnie handlovych preferencyjaŭ dla Biełarusi. Adnačasova ja źviazvaju svoj pieravod ź ciapierašnim uzbujnieńniem moładzievaha ruchu ŭ Mahilovie i niadaŭnim vizytam u horad byłoha palitchimika Paŭła Sieviarynca».
U Škłoŭskaj kalonii adbyvaje pakarańnie jašče adzin maładafrontaviec — Źmicier Daškievič. Jon, jak i Artur, užo adbyŭ pałovu terminu pakarańnia, ale administracyja kalonii admaŭlajecca źniać sa Źmitra nakładzienyja na jaho pakarańni, tym samym pierakreślivajučy jamu šlach da daterminovaha vyzvaleńnia.
Advakat Z.Daškieviča Alaksandar Halijeŭ, kaža, što niekalki tydniaŭ tamu pieradaŭ u adpaviednyja orhany zajavu z prośbaj źniać z Daškieviča dyscyplinarnyja papiaredžańni j raspačać spravu ŭmoŭna‑daterminovaha vyzvaleńnia. Adkazu dahetul niama.
Maładafrontaŭcy razam z žurnalistami j pravaabaroncami, jak paviedamlaŭ Małady front, źbirajucca naviedać Mahileŭ i Škłoŭ, kab sustrecca z administracyjaj papraŭčych ustanovaŭ i źviarnucca ŭ prakuraturu.
