Z usioj krainy
Ź sirotaŭ buduć kadety
Samymi addanymi vajarami zaŭždy byli tyja, chto hadavaŭsia bieź siamji, biez karanioŭ. Niezdarma ŭ Siaredniavieččy tatary palavali na “iasyr” — dziaciej, jakich možna było vyhadna pradać, bo ź ich farmavali vojski janyčaraŭ. Vajskovaja karjera — dobraja mahčymaść žyćciovaha šlachu dla dziaciej-sirotaŭ. Tamu niadaŭna na bazie Mahiloŭskaha pedahahičnaha kaledžu była stvorana abłasnaja kadeckaja škoła-internat dla dziaciej-sirotaŭ.
Raźličanaja jana na 120 čałaviek, što buduć navučacca ŭ 6 klasach. Da 1 vieraśnia škoła budzie ŭkamplektavanaja ŭsim nieabchodnym dla pačatku školnych zaniatkaŭ i pražyćcia. Kadety atrymajuć specyjalnuju vajskovuju formu, što ŭžo vyrablajecca na mahiloŭskich fabrykach. Razam z ahulnaadukacyjnymi pradmietami ŭ škole buduć vyvučać zbroju, techniku, taktyku, bajavyja pryjomy napadu i samaabarony, historyju vajennaha mastactva i h.d. U časie vakacyjaŭ planujucca stažavańni ŭ vajskovych čaściach, turpachody, vajskovyja hulni. Vychavacielami ŭ škole-internacie buduć pracavać adstaŭniki.
A.A., Mahiloŭ
Snarady ū Myšancy
Žychar Baranavič znajšoū u rečcy Myšancy avijacyjny reaktyūny snarad “pavietra—ziamla”. Kab nichto časam nie padarvaūsia, mužčyna pieravioz jaho na ūłasny padvorak i vyklikaū milicyju. Uviečary sapiory źniščyli bojezarad. Letaś toj čałaviek užo znajšoū byū na tym samym miescy 10 hetkich snaradaū. Jašče čatyry znajšli sapiory. Biełaruskaje vojska nia maje snaradaū takoha typu. Jany, vidać, zastalisia ū spadčynu ad savieckich čaściej. Datujucca jany 1980—88 h. Zaraz vajskoūcy namahajucca pa markiroūcy vyśvietlić, čyja ž zbroja trapiła ū Myšanku. Raku buduć praviarać z dapamohaj sučasnaha abstalavańnia, vadałazaū i inžynernych čaściej.
Vajna ź mini-rynkami
Baranavicki harvykankam zabaraniū pradavać na haradzkich mini-rynkach charčy, što chutka psujucca, a taksama cukar, muku, krupy j makaronu. Pastanova nia tyčycca haradzkoha i pryvakzalnaha rynkaū. Pradprymalniki pratestujuć. Jany ličać, što hetkim čynam ułady zmahajucca z rynkavaj ekanomikaj, bo 70% zabaronienych dla prodažu tavaraū žychary horadu nabyvajuć na mini-rynkach, a nia ū kramach.
Siamiejnaja trahiedyja
U vioscy Dobry Bor (Baranavicki r-n), što niedaloka ad Słonimu, padčas kupańnia ū Ščary pačaū tapicca 10-hadovy chłopčyk. Baćka pasprabavaū vyratavać syna. U vyniku patapilisia abodva.
Najechała na słup
Jechała nočču pa Baranavičach kabieta na rovary. Dy ū ciomnym zavułku Vadapravodnym najechała na aporu elektryčnaha słupa. U bolnicy pastavili joj dyjahnaz — strasieńnie mazhoū dy infekcyjanavanaja rana patylicy.
Pracoūnyja ū abaronu dyrektara
Pracoūnyja Baranavickaj ptuškafabryki abaranili svajho dyrektara Ryhora Šostaka. Padčas svajho dyrektarstva jon zdoleū bolš-mienš stabilizavać vytvorčaść. Ptuškafabryka vypuściła najbolšuju kolkaść jajek va ūsioj krainie.
Adnak dyrektar pryjšoūsia nie daspadoby funkcyjaneram z abjadnańnia “Biełptuškapram”. Adtul uvieś čas pryjaždžali pravierki, nakładali roznyja štrafy. Šostak admoviūsia vykonvać zahad abjadnańnia ab złučeńni troch ptuškafabryk (Baranavickaj, Haradziščanskaj i Ciešaūlanskaj), bo takoje abjadnańnie pachavała b jaho pradpryjemstva.
Paśla napisańnia dyrektaram pad ciskam zajavy ab zvalnieńni adpaviedny zahad na ptuškafabryku pryvioz namieśnik abjadnańnia “Biełptuškapram”. Adnak pracoūnyja ptuškafabryki, daviedaūšysia ab hetym, sabralisia ū zali pasiadžeńniaū j pačali pahražać strajkam, kali dyrektar budzie źniaty.
Zahad ab zvalnieńni pavieźli nazad u Miensk. Pakul na ptuškafabrycy ūsio zastałosia pa-staromu.
Rusłan Raviaka, Baranavičy
Kamsamolski fest
U Białyničach 20 lipienia adbyŭsia 9-y abłasny fest vajskova-patryjatyčnaj pieśni imia kamsamolca Loni Łorčanki. Abkładzieny fašystami niepadalok ad vioski Antonava Buda, chłopiec apošniaj hranataj padarvaŭ siabie i niekalkich niemcaŭ. Festyval ładzicca raz na dva hady i źbiraje ŭdzielnikaŭ mastackaj samadziejnaści z usiaje Mahiloŭščyny. Sioleta arhanizatary prykłali ŭsie namahańni, kab zrabić jaho nacyjanalnym. Mo dziela hetaha jany zaprasili staršyniom žury Ihara Łučanka.
Bazyl Lićvinovič,
Białyničy
Nia stała Ajzienmana
Na tym tydni pamior babrujski biznesoviec Michaił Ajzienman, pryznany pa vynikach minułaha hodu najlepšym pradprymalnikam Mahiloŭskaj vobłaści. U Babrujsku Ajzienman vałodaŭ sietkaj kramaŭ “XXI stahodździe”. Było jamu 52 hady.
Viktar Kačan, Babrujsk
