Naviny
Try tvory Bykava
Čytajcie ŭ nastupnych numarach “Našaj Nivy” novyja tvory Vasila Bykava: “Redki dar”, “Pomnik ad demakratyi”, “Muraški”.
Rejtynh A.Łukašenki 27%
Rejtynh A.Łukašenki źniziŭsia da 27%. Takija źviestki padaje NISEPD. Z apytańnia vynikaje, što kiraŭnik dziaržavy straciŭ padtrymku častki raniejšych prychilnikaŭ, ale pakul jašče nie pierakanaŭ tuju častku hramadztva, što vystupaje za reformy.
5 dalaraŭ na biełarusa
Sukupny kapitał 35 biełaruskich strachavych kampanij mienšy za 50 młn. dalaraŭ. Heta pa 5 dalaraŭ strachavoha ŭniosku ad kožnaha biełarusa. U Polščy na kožnaha hramadzianina prypadaje pa 140 dalaraŭ uniosku, u najbiadniejšaj krainie EZ Partuhalii — 670 dalaraŭ. Takija źviestki paviedamiŭ hiendyrektar “Biełzamieždziaržstrachu” Jury Haŭryłaŭ.
Kožny čaćvierty
Na siońnia ŭ Biełarusi karyjes — u kožnaha čaćviertaha dziciaci 5—6 hadoŭ, tady jak hadoŭ 30 tamu intensiŭnaść karyjesu była ŭ dva razy nižejšaja. Pra heta paviedamiŭ hałoŭny stamatolah krainy Piatro Levus.