U ŚMI źjaviłasia infarmacyja ab uklučeńni asobnych pradstaŭnikoŭ apazycyi z PKB, ŁDPB, BSDP (NH) u vybarčyja kamisii.
Ale praktyka śviedčyć, što ŭklučajuć tolki tych hramadzian, jakija adno farmalna źjaŭlajucca apazycyjanerami, ale nia zdolnyja adstojvać svaju pazycyju ŭ kamisijach. Čamu b nie ŭklučyć “biazzubych” apazycyjaneraŭ dla advodu vačej?
Ździekam z zdarovaha sensu hučać słovy funkcyjaneraŭ z Centravybarkamu, što pradstaŭniki apazycyi nia majuć dośviedu pracy ŭ vybarčych kamisijach i tamu ich nia treba tudy ŭklučać. Praktyka ŭsich papiarednich vybarčych kampanijaŭ śviedčyła, što mienavita pradstaŭniki apazycyi, pracujučy naziralnikami, viedali i vykonvali patrabavańni VK, tady jak siabry roznych vybarčych kamisijaŭ, i asabliva ich kiraŭnictva, pryznačanaje vykanaŭčaj uładaj, bolš aryjentavalisia na telefonnaje prava, čym na normy zakanadaŭstva.
Vidavočna, što miascovyja vybary pieratvarajucca ŭ placdarm dla ŭmacavańnia palityčnaha aparteidu ŭ Biełarusi. Vyjści z hetaha stanovišča mahčyma praz praviadzieńnie vybaraŭ pad mižnarodnym pratektaratam pa mižnarodnych standartach. Tolki tady biełarusy buduć zdolny vykazać svaju realnuju volu, a nia być zakładnikami aŭtarytarnaha režymu.
Michaś Łahor, Haradok
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio17
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary