Ad 30 červienia ŭ pryharadzie Horadni raspačynajecca letnik. Udzień žychary lahieru buduć nieści vachtu ŭ Starym horadzie, uviečary bavić čas la vohnišča pad śpievy bardaŭ.
Letnik «Haradzienskaja fartecyja» paŭstanie niepadaloku ad horadu, nie bierazie Niomanu. Heta budzie namiotavaje miastečka z ułasnaj achovaj i kamendantam, raspavioŭ aktyvist kampanii «Vyratujem Horadniu» Aleś Zaleŭski. Takuju nazvu padkazaŭ piśmieńnik Uładzimier Arłoŭ. Udzień žychary lahieru buduć nieści vachtu ŭ horadzie pobač z budynkami, zaplanavanymi pad znos, razdavać infarmacyjnyja materyjały, pryśviečanyja prablemie rekanstrukcyi Horadni. Uviečary ich čakaje kulturnaja prahrama: śpievy bardaŭ i mnohaje inšaje. Svoj udzieł užo paćvierdzili Taciana Biełanohaja i hurt «Džambibum».
Inicyjataram letniku vystupiŭ arhkamitet kampanii «Vyratujem Horadniu». Raspačniecca letnik 30 červienia, u dzień, kali haradziency adznačajuć Kupalle. Na tym miescy i paŭstanie «Haradzienskaja fartecyja». Aleś Zaleŭski raźličvaje, što letnik źbiare nia mienš za paŭsotni maładzionaŭ i dadaje, što da ich dałučajucca inšyja moładzievyja inicyjatyvy i ruchi». Miarkujecca, što letnik budzie dziejničać da siaredziny lipienia.
