Apošnim časam šmat havorycca pra enerhietyčnuju dy infarmacyjnuju biaśpieku krainy. Prajektujucca HES na Niomanie, Dźvinie, CES na polskim vuhali, reanimujucca drobnyja ES. Prapanujecca addać u kancesiju biełaruskija radoviščy buraha vuhalu.
Nacyjanalnaje TV narešcie atrymała investycyi. Apošniaja zajava vyšejšaha kiraŭnictva: enerhietyčnaja niezaležnaść niemahčymaja biez pabudovy biełaruskich AES.
Ale, kažučy «A», treba narešcie skazać i «B». Enerhietyčnaja i infarmacyjnaja roŭnazaležnaść, niby taja pabudova AES, mahčymaja tolki paśla prychodu zachodnich investycyj. Paśla pavarotu da Zachadu. Tolki tady možna budzie kazać pra kurs na niezaležnaść. Inakš vychodzić prosta łamańnie, nabivańnie sabie cany pierad zdačaj.
Praciŭniki ciapierašniaha kursu nia buduć spać u šapku. U słonimskim mikrarajonie byłoj Hrupy savieckich vojskaŭ u Hiermanii ŭžo sabrali 2000 podpisaŭ za adnaŭleńnie RTR. Kali nie skazać «B», enerhietyčnuju i infarmacyjnuju niezaležnaść źjaduć, jak biełarusizacyju na pačatku 90-ch. Tady, pomnicca, kampanija suprać biełaruskich škoł taksama pačałasia z haradkoŭ HSVH.
Andrej Dyńko
Kamientary