Niamieckaja avijakampanija «Lufthanza» źbirajecca padklučyć da Internetu ŭsie samaloty, što lotajuć pa doŭhich maršrutach.Raspracavanuju kancernam «Boinh» internet-systemu vypraboŭvaje taksama avijakampanija «Brytanskija avijalinii».
Zhodna z damovaj pamiž «Lufthanzaj» i «Boinham», avijakancern ustaluje systemu «Kanekšn» na 80 samalotach, pryčym nia tolki svaich, ale i na «Aerobusach», svaich adviečnych kankurentach. A da pačatku nastupnaha hodu Internet budzie dastupny va ŭsich samalotach «Lufthanzy».
Niamieckaja avijakampanija vypraboŭvaje systemu «Kanekšn» z pačatku hodu. Pieršymi biaspłatny Internet atrymali pasažyry biznes-klasy maršrutu «Frankfurt—Vašynhton». Adnak pa miery pavieličeńnia kolkaści samalotaŭ ź Internetam karystacca im na durnia zmohuć tolki pasažyry vyšejšaj klasy ci tyja, chto maje prava na skidki. Usim astatnim daviadziecca płacić za dostup da sietki. Cana na pasłuhu pakul nieviadomaja.
Pasažyram budzie prapanavanaja niebłahaja chutkaść złučeńnia (da 20 mB/s u vypadku pryjomu dadzienych), a taksama vybar pamiž kabelnym i biazdrotavym sposabami padłučeńnia.
Ab ukaranieńni systemy «Kanekšn» pačynajuć dumać taksama japonskija i skandynaŭskija avijapieravozčyki. Amerykanskim avijakampanijam, źniasilenym finansavymi prablemami, pakul nie da taho.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy5
Kamientary