Adpaviednuju papraŭku ŭ biudžet na 2008 hod, jakaja zabaraniaje luboje finansavańnie Rady AAN, prahałasavaŭ 241 kanhresmen.
Unioski Złučanych Štataŭ — najbujniejšaja krynica finansavańnia AAN, hetyja ŭnioski składajuć amal čverć usiaho biudžetu AAN.
18 červienia Rada AAN pa pravach čałavieka vyklučyła Biełaruś i Kubu sa śpisu krainaŭ, u jakich viadziecca stały manitorynh sytuacyi z pravami čałavieka, byli skasavanyja mandaty dakładčykaŭ rady pa hetych krainach. U śpisie krainaŭ, dzie nazirańnie za pravami čałavieka budzie vieścisia na stałaj asnovie, zastalisia 9 krainaŭ, u tym liku Paŭnočnaja Kareja, Birma, Samali i Sudan.
18 červienia presavy sakratar dziarždepartamentu ZŠA Šon Makkormak vykazaŭ rasčaravańnie Złučanych Štataŭ hetymi rašeńniami Rady. Jon padkreśliŭ, što Rada amal całkam zasiarodziła svaju ŭvahu na Izraili, nie zakranuŭšy surjoznyja parušeńni pravoŭ čałavieka ŭ takich krainach, jak Birma, Zymbabve, Paŭnočnaja Kareja, Biełaruś i Kuba.
Na dumku pradstaŭnika amerykanskaha źniešniepalityčnaha viedamstva, skasavańnie mandataŭ specdakładčykaŭ pa Biełarusi i Kubie jašče bolš pahoršyć sytuacyju z pravami čałavieka ŭ hetych krainach.
Heta nia pieršy vypadak, kali kanhres ZŠA prymaje rašeńnie ab spynieńni finansavańnia asobnych prahramaŭ AAN. Naprykład, u 2002 hodzie Złučanyja Štaty spynili finansavańnie ahienctva AAN pa narodanasielnictvu z pryčyny taho, što hrošy ahienctva vykarystoŭvalisia ŭ kitajskaj prahramie prymusovych abortaŭ.
U ciapierašnim rašeńni ab spynieńni finansavańnia Rady AAN pa pravach čałavieka źviartaje na siabie ŭvahu toje, što inicyjataram vystupili nie parlamentary, a vykanaŭčaja ŭłada.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary