Na sajcie litara.net źjaviłasia paviedamleńnie, što ŭ Amerycy byŭ stračany archiŭ Natalli Arsieńnievaj.
Aŭtar, jaki schavaŭsia pad pseŭdanimam “Paštovy hałubok”, ćvierdzić, što kaštoŭnyja papiery zhubilisia pry pierasyłcy amerykanskaj poštaj z Kliŭlendu, dzie dažyvała paetka, u Ńju-Jork, dzie pierachoŭvajecca bolšaść archivaŭ biełaruskaje emihracyi. Nieviadomy aŭtar vinavacić u hetym archivista Rady BNR Lavona Jureviča, jaki pierasyłaŭ archiŭnyja dakumenty poštaj zamiž taho, kab advieźci samomu ci pieradać z nadziejnym čałaviekam.
Sam Lavon Jurevič, ź jakim skantaktavaŭsia karespandent “NN”, zaznačyŭ, što jon pra zhubleny archiŭ Arsieńnievaj dakładna ničoha nia viedaje: čuŭ chiba ad inšych plotki nakont hetaha. Asobnyja papiery z archivu Arsieńnievaj zachoŭvajucca ŭ zborach BINiMu, dzie ź imi znajomiŭsia Ł.Jurevič, pracujučy nad knihaj “Biełaruskaja memuarystyka na emihracyi”. Ł.Jurevič paraiŭ daznacca pra spravu ŭ syna paetki, źviazacca ź jakim pakul nie ŭdałosia.
AŠ
