Palitinfarmacyja ciapier — sprava nie takaja lohkaja, jak u savieckija časy: i pytańni vystupoŭcu zadajuć, i arhumentaŭ patrabujuć.
U hetym pierakanaŭsia namieśnik kiraŭnika Administracyi prezydenta Aleh Pralaskoŭski, pryjechaŭšy na vystup da vykładčykaŭ i studentaŭ BDU ź lekcyjaj pra dziaržaŭnuju idealohiju.
Vystup adbyŭsia 16 kastryčnika «ŭ ramkach adzinaha palitdnia». Sam Pralaskoŭski daŭ kamandu šyroka nie apaviaščać pra svoj pryjezd: dosyć, maŭlaŭ, i prysutnaści ŭniversyteckaj pres-słužby. Adnak hetaja miera nia vyratavała palitinfarmatara. Adzin z udzielnikaŭ zaznačyŭ, što schod bolš nahadvaŭ apazycyjny mitynh, čym respektabelny zbor prafesaraŭ i studentaŭ. Pytalisia pra aktualnaje: i pra Eŭraźviaz, i pra źviaz z Rasiejaj, i pra rasiejski rubiel. Adkazvaŭ Pralaskoŭski vielmi niaŭciamna. Na pytańnie nakont rusifikacyi Biełaruskaj televizii («Pa-biełarusku navat navinaŭ ciapier niama jak pahladzieć», — aburaŭsia vykładčyk BDU) hałoŭny ideolah krainy zaznačyŭ, što niama takoj źjavy.
Nieabchodnaść uviadzieńnia dziaržaŭnaj idealohii mnohimi prysutnymi asprečvałasia. «Jak heta adpaviadaje čaćviortamu artykułu našaj Kanstytucyi, dzie skazana: nivodnaja palityčnaja partyja, relihijnaja ci sacyjalnaja hrupa nia moža naviazvać svajoj idealohii inšym?» — pytalisia ŭ Pralaskoŭskaha. Z usiaje zali znajšoŭsia tolki adzin małady čałaviek, jaki vykazaŭsia ŭ padtrymku novaha idealahičnaha kursu: «Ja j sam rychtujusia na ideolaha. Ci jość u mianie budučynia?» Na heta adrazu zreahavaŭ inšy student: «A ja vučusia na mižnarodnika. Ci jość budučynia ŭ mianie?»
«Palitinfarmatar» ža atrymaŭ ad BDU padziaku i pamiatnyja symbali — značku BDU i ciapierašni symbal universytetu — paparać-kvietku.
AŠ
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)