Ź niedziaržaŭnaha Eŭrapiejskaha humanitarnaha ŭniversytetu zvolniŭsia viadomy palitolah, dacent katedry ekanomiki Vital Silicki. Pajści na hety krok nastojliva prasiła kiraŭnictva navučalnaj ustanovy.
Analityčnyja publikacyi, kamentary V.Silickaha nakont palityčnaj sytuacyi ŭ krainie rehularna źjaŭlajucca ŭ niezaležnych ŚMI. Pohlady, što vykazvajucca ŭ ich, časam nia mienš krytyčnyja ŭ adnosinach da apazycyi, čym da ŭładaŭ. Da hetaha hodu prablemaŭ na pracy Silicki praz heta nia mieŭ. Adnak u krasaviku ŭ adnoj ź dziaržaŭnych hazetaŭ źjaviŭsia materyjał, aŭtar jakoha vystupiŭ sa ździekliva-nachabnymi napadkami na Silickaha. «Poŭnaja biazhłuździca!» — kaža pra tuju publikacyju V.Silicki. Jon ličyć heta «adkazam» na krytyku štohadovaha pasłańnia Alaksandra Łukašenki da parlamentu, ahučanuju praź internet-hazetu «Biełaruskija naviny».
U kancy žniŭnia Silickaha vyklikaŭ rektar Anatol Michajłaŭ, ale ničoha kankretnaha nie skazaŭ — chiba tolki toje, što palitolah «stvaraje prablemu». «Spravu śpichnuli na prarektaraŭ, i sytuacyja vyrašyłasia litaralna na praciahu čatyroch dzion, — havoryć Silicki. — 1 vieraśnia znoŭ zaprasili i prapanavali zvolnicca». Praź miesiac, paśla adpačynku, Vital Silicki napisaŭ zajavu na zvalnieńnie. Abhruntavańnie jon padaŭ takoje: «U suviazi ź niežadańniem kiraŭnictva EHU praciahvać sa mnoj pracoŭnyja adnosiny z pryčyny majoj palityčnaj niadobranadziejnaści…»
Poŭny varyjant artykułu hladzicie ŭ hazecie "Naša Niva".
Kamientary