Froda ź niebiaśpiečnym piarścionkam ułady, Sem i Hołum praciahvajuć svajo ciažkaje padarožža pa Mordary.
Tym časam Saŭran źbiraje novyja siły dla rašučaj ataki na apošni apłot ludziej — Hondar. Kab dałučyć da abarony cytadeli vojska mierćviakoŭ, Arahornu davodzicca ŭspomnić pra svajo karaleŭskaje pachodžańnie…
Ja vielmi daloki ad armii prychilnikaŭ Tołkina, praktyčna nia čuŭ pra «Vaładara piarścionkaŭ» da toj pary, pakul Halivud nia ŭziaŭsia jaho ekranizavać, dyj fentezi naahuł «nia moj» žanr. Tym nia mienš, «Viartańnie karala» ja hladzieŭ litaralna z zachapleńniem. Zdavałasia b, kolki hrandyjoznych filmaŭ sa specefektami bačyli my apošnim časam — z čaho tam užo ździŭlacca! Ale ŭ hetym vypadku havorka idzie pra ŭznaŭleńnie cełaha svojeasablivaha śvietu z časam vielmi niezvyčajnymi nasielnikami (adny nazhuły ź ich žudasnym viskam čaho vartyja!) — i toje, jak heta zroblena, uražvaje. Viadoma, znaŭcy tołkinaŭskaha tekstu mohuć spračacca ab pravamiernaści źmienaŭ, uniesienych režyseram Piteram Džeksanam padčas stvareńnia kinaversii (u hetaj častcy jany najbolš istotnyja), i ŭsio ž ekranizacyi nakštałt «Vaładara piarścionkaŭ» — z razradu tych, pra jakija možna tolki maryć. Niezdarma jon atrymaŭ 11 naminacyj na «Oskar».
Ivan Piatroŭ
