Baranavickaje vytvorčaje bavaŭnianaje abjadnańnie (VBA) ŭstalavała sioleta novuju niamieckuju liniju dla vyrabu vysakajakasnaj pražy z bavoŭny. Novaja pradukcyja ŭžo atrymała vysokuju adznaku na vystavie tekstylu ŭ Frankfurcie.
2,5 młn eŭra na zakupku linii dała dziaržava, a akupicca abstalavańnie pavinna za piać hadoŭ. Kali budzie pracavać na poŭnuju mahutnaść, pierapracoŭvajučy 800 t bavoŭny za miesiac. Adnak letaś fabryka pierapracavała za hod tolki 8 tys. ton — heta 60% mahčymaści pradpryjemstva. Dyj 80% pierapracavanaje pradukcyi skłała davalnickaja — kali zamoŭca pryvozić syravinu na pierapracoŭku, a paśla zabiraje.
Praža zaraz budzie kaštavać tańniej za rasiejskuju, tamu 300 t štomiesiac zhodnaja nabyvać Baranavickaja tekstylnaja fabryka, zacikavilisia i zamiežniki. Adnak kiraŭnictva VBA łamaje hałavu, za jakija hrošy kupić bavoŭny: adzin vahon kaštuje kala 70 młn rubloŭ. A abjadnańnie maje vializnyja pazyki.
Madernizacyja cechu pryniesła i jašče adnu prablemu. Linija całkam aŭtamatyzavanaja. Pytańnie ab zvalnieńni paŭstaje pierad amal tysiačaj čałaviek. Hetaha kiraŭnictva najbujniejšaj baranavickaj fabryki pakul nie afišuje. Siaredni zarobak na abjadnańni adzin z najmienšych u horadzie — 180 tys. rub.
