Režyser zabaronienaha ŭ Biełarusi «Dabermana» Jan Koŭnen prapanuje nam psychadeličnuju vandroŭku, zamaskavanuju pad vestern.
Dzieści na Dzikim Zachadzie šeryf Majkł Błubery znoŭ sutykajecca z starym voraham — i musić pakarać jaho dy adnavić spraviadlivaść. Ale adnaŭleńnie hetaje adbyvajecca samym niestandartnym i halucynacyjnym čynam.
Pa-pieršaje, sam Błubery (Vensan Kasel) nie taki ŭžo j «bieły čałaviek» — hieroja kaliści vylečyli indziejcy, i ciapier šeryf maje schilnaść da mistyki j duchoŭnych praktyk. Pa-druhoje, hałoŭny niahodnik (Majkł Medsan) taksama imkniecca zusim nie da zołata j kupki dalaraŭ, a da schavanaj u harach śviatoj siły, kab zabivać adnoj svajoj kiepskaju volaj. Naturalna, što ŭ takich umovach bojka pamiž Dabrom i Złom ździajśniajecca nia stolki na koltach (chacia j heta ŭ karcinie majecca), kolki ŭ mentalnaj — kamputarnaj prastory.
Mistyčnaha kaŭboja prydumaŭ šče ŭ 60-ja mastak komiksaŭ Žan Žyro, bolš viadomy jak «Miobijus» i aŭtar kiberpankaŭskaha «Stalca». Estafetu padchapiŭ Jan Koŭnen, jaki taksama zachaplajecca šamanstvam, psychadelikaj i inicyjacyjami.
U vyniku na vialikim ekranie bje ŭ vočy klipavy mantaž detalaŭ, vielična łunaje kamera nad kańjonami, ahałomšvajuć medytatyŭnaściu ličbavyja skalapendry j pavuki.
Poŭny varyjant artykułu hladzicie ŭ hazecie "Naša Niva".
Andrej Rasinski
Francyja — Meksyka — Vialikaja Brytanija, 2004, kalarovy, 124 chv.
Žanr: Mistyčny vestern
Adznaka: 6 z 10
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary