Samy alternatyŭny staličny klub pierajaždžaje
Jak nam paviedamiŭ dyrektar klubu Jury Babroŭski, ich «paprasili» vyzvalić pamiaškańnie na vuł. Kastryčnickaja, 17, choć termin arendy jašče nia skončyŭsia. Klubnaj licenzii taksama padaŭžać nia buduć. Reč u tym, što hety klub znachodzicca na terytoryi stankabudaŭničaha zavodu imia Kastryčnickaj revalucyi, dzie nia tak daŭno źmianiłasia kiraŭnictva. Raniejšyja zavodzkija kiraŭniki stavilisia bolš łahodna da dziejnaści «NC», ale ž novym čynoŭnikam akazałasia niedaspadoby virlivaje klubnaje žyćcio dy publika, što viečarami źbirajecca la ich zavodu. Kiraŭnictva stankabudaŭničaha zavodu navat skiravała zajavu ŭ vykankam z prośbaj razabracca.
Namieśnik hieneralnaha dyrektara stankabudaŭničaha zavodu Alaksandar Hałavanaŭ, na čyj zahad klub začyniajuć, kamentaroŭ nie daje.
Viečaryny ŭ «NC» pačynalisia, jak praviła, u 19.00, kali pracoŭny dzień užo skončany, a žyłych budynkaŭ u radyjusie niekalkich kilametraŭ niama, tamu niezrazumieła, čym moh zaminać adzin z samych papularnych mienskich klubaŭ zavodzkamu načalstvu. Chodziać čutki, što hetaje pamiaškańnie pierakupiŭ niejki biznesoviec.
Poŭny varyjant artukułu čytajcie ŭ hazecie "Naša Niva"
Siarhiej Budkin
