U zakinutym i zabytym Boham klaštary znachodziać trup čałavieka, jakoha niadaŭna zamuravali zažyva. Razbor hetaj žorstkaj spravy pačynaje adziny ŭdzielnik papiaredniaj seryi inspektar Niman (u vykanańni sonnaha Žana Reno). Zabojstvy praciahvajucca, a porstki kapitan Reda (uzychodziačaja zorka francuskaha kino Benua Mažymel, jakoha ŭ svoj čas katavała «Pijanistka») sutykajecca z čałaviekam, padobnym da Chrysta, jakoha pieraśledujuć nieviadomyja sektanty.
Dźvie francuskija zorki abjadnoŭvajuć svaje vysiłki, kab zmahacca z tajamničymi bajavymi manachami, znajści patajemnyja chady ŭ linii Mažyno i spynić Apakalipsys, jaki źbirajucca raspačać niedabityja nacysty na čale z Krystoferam Li, kultavaj fihuraj žudaścikaŭ.
Manachi ŭ zmročnych kapielušach, biaz tvaraŭ i sa zvyšnaturalnymi zdolnaściami — kinematahrafičnyja. Jany nie zusim pasujuć staroj fabrycy, ale ŭ sutareńniach klaštaru i navat u supermarkiecie mistyčnyja istoty da miesca. Što ž da zvyšnaturalnaha, to, kali nieviadomy manach pačynaje z praźmiernym impetam demanstravać karatysckija schilnaści, heta taksama nia nadta adpaviadaje jahonamu sanu.
Aperatarskaja rabota Aleksa Lamarka ślizka-čyrvonaja, čornaja, chacia j sastupaje barvovym vyjavam pieršaj častki. Žan Reno zatarmožany, amal što nijaki, Benua Mažymel zanadta impetny. Karcina atrymlivajecca pustavataj. Imia Luka Besona — jak aŭtara scenaru — usio jašče harantuje dynamiku, ale zusim nie harantuje hłybini.
Andrej Rasinski
«Barvovyja reki-2: anioły Apakalipsysu» («Les Riviires Pourpres-2: Les anges de l'apocalypse»)
Francyja—Italija—Vialikabrytanija, 2004, kalarovy, 100 chv.
Žanr: Mistyčny film žachaŭ, bajavik
Adznaka: 4,5 (z 10)
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary